Misambu 92:6 - MUKANDA WA MYIDI MUKULU

⁶ Maweja-Nangila malu audi muenze adi manene, meji ebe adi male.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Muntu udi kayi ne meji kena mumanye bualu ebu, ne muntu mujibale kena ubujingulula:

Misambu 92:6 ပူးပေါင်းရင်းမြစ်များ

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

Misambu 139:14

Maweja-Nangila, tuasakidila, bualu udi muenzele mubidi wanyi, malu a dikema. Biudi muenze bidi bia dikema, ndi mubimanye.

Misambu 14:1

Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

Misambu 32:9

Kuikadi muntu mupote, bu nyama wa kabalu nansha wa mpunde, idibu mua kutekesha amu ne nkanu, nansha ne mikaba. Nanku kuakupeta dikasa dibi to.

Misambu 49:10

Muntu udi mua kulala panu kashidi anyi? Neasokome lufu bua kamonu lukita anyi?

Misambu 73:22

tshivua kabidi ne lungenyi to. Mvua mutatakane bu nyama, tshiyi mua kukumvua.

Misambu 75:4

Nansha buloba buzakala, nansha badi basepu batshina, kadi meme ndi mbushindika pa makunji abu kashidi.”

Misambu 94:8

Nuenu batshimbakane ba pa buloba, nuadimuka! Nuenu babule ngenyi, nenuele meji diba kaayi?

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Nsumuinu 24:7

Muntu mupote kena mua kumvua tshidi bena meji bamba. Nanku kena ne bua kuakula padi bena meji balongolola malu a ditunga.

Nsumuinu 30:2

“Bushuwa, ndi tshidingidingi ku bantu bonsu. Tshiena ne lungenyi nansha lukese lua bumuntu.

Yeshaya 1:3

Nyama wa ngombe udi mumanye mfumuende, nyama wa mpunde mmumanye udi umudisha. Kadi bena Izrayele kabena basue kummanya. Tshisamba tshianyi katshiena tshinteleja.”

Yeshaya 28:29

Lungenyi lua kuenza nanku ludi lufuma kabidi kudi Maweja-Nangila muena bukole buonsu. Mvidi Mukulu udi uleja bantu nanku, mudi meji ende a kukema, mudiye mumanye malu onsu.

Yeshaya 55:9

Mudi mutantshi munene munkatshi mua njila yanyi ne yenu, munkatshi mua meji anyi ne enu, amu mudi mutantshi munene munkatshi mua diulu ne buloba.

Yirmeya 10:14

Bantu bonsu badi bapuwa muaba awu bazakala, kabayi bumvua bualu. Bansenda bavua benza mpingu, bumvua bundu bua mpingu ivuabu bafule, bualu mpingu eyi ivua ibadinga. Kayena yeyela nansha kakese.

Yirmeya 32:19

Udi wela meji ku malu manene audi musue kuenza. Kabidi udi ne bukole bua kuakumbaja. Udi utangila bimpe malu adi bantu benza. Udi ufuta muntu yonsu bilondeshile bidiye wenza.

Luke 12:20

Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

1 Korente 2:14

Muntu udi kayi ne Mueyelu wa Mvidi Mukulu, kena mua kuitaba malu malelela adi Mueyelu ewu utumanyisha. Neaatangile bu a bupale. Kena mua kuajingulula, bualu amu muntu udi ne Mueyelu, ke udi mua kuamanya.