Misambu 91:2 - MUKANDA WA MYIDI MUKULU

² Muntu awu neambile Mvidi Mukulu ne: “Wewe udi musoku mukolesha undi nsokomena, wewe ke Mvidi Mukulu wanyi, undi ngeyemena.”

Mukanda wa Nzambi Dihungila Dikulukulu ne Dihungila Dihia-dihia 2003

² Nengambe bua Yehowa ne, Yeye udi tshinyemenu tshianyi ne musoko wanyi munyunguluke ne Nzambi wanyi undi ngeyemena.

Misambu 91:2 ပူးပေါင်းရင်းမြစ်များ

Genese 17:7

Ndi ntua ndondu ewu nebe kashidi, kabidi ne ndelanganyi yebe yonsu. Meme nennulame mu bikondu bionsu. Nengikale Mvidi Mukulu webe kabidi ne wa ndelanganyi yebe yonsu.

Misambu 14:6

“Nuvua bapangishe bapele tshivuabu batekemene. Kadi Maweja-Nangila ke udi ubalama.”

Misambu 142:5

Tangila ku nseke yanyi, umone: kakuena muntu udi undama, tshitshiena kabidi ne muaba wa kusokomena, kakuena muntu udi utangila buanyi bualu.

Misambu 142:6

Ndi ngela lubila kuudi wewe, Maweja-Nangila, ngamba ne: wewe ke tshisokomenu tshianyi, ke tshianyi tshintu tshindi natshi, mu buloba ebu butudi basombe.

Misambu 18:2

Maweja-Nangila, ndi mukunange, Wewe udi bukole buanyi.

Misambu 18:3

Maweja-Nangila udi lubuebue luanyi, muaba undi nsokomena, mpetela lupandu. Udi undama bu ngabu. Udi mukuna undi nyemena bua kupanda.

Misambu 25:2

Mvidi Mukulu wanyi, ndi ndifila kuudi. Kumfuishi bundu, bena lukuna banyi kabanseki!

Misambu 31:15

Kadi meme ndi mueyemine amu kuudi wewe, Maweja-Nangila, ngamba ne: “Wewe ke Mvidi Mukulu wanyi!”

Misambu 43:4

Mvidi Mukulu wewe udi disanka dianyi, nensemene ku tshilambuilu tshiebe, nkutumbishe ne lunzenze, bualu wewe ke Mvidi Mukulu wanyi!

Misambu 46:1

Musambu wa mu mukanda wa mulombodi wa bena misambu ne wa mu mukanda wa misambu wa bena Kora wa kuimba ne meyi matue.

Misambu 46:2

Mvidi Mukulu udi tshisokomenu tshietu, utupe bukole. Mu makenga etu udi utuambuluisha misangu yonsu.

Misambu 48:14

Nukatshile mudi bimana biatshi! Numone muvuabu bakoleshe imue nzubu! Nanku, nenumone mua kumanyisha ndelanganyi yalonda ne:

Misambu 61:5

Anyisha, ngase mu nzubu muebe kashidi, nsokome mu mapuapua ebe.

Misambu 71:3

Wikale lubuebue, muaba mukole undi mua kusokomena. Eyowa, wewe udi lubuebue, muaba undi mua kupetela lupandu.

Misambu 91:9

Bulelela, Maweja-Nangila, udi tshisokomenu tshiebe, wewe udi musungule Muena kulu bu tshisokomenu tshiebe.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yirmeya 31:1

Maweja-Nangila udi wamba ne: “Pakumbana tshikondu, nengikale Mvidi Mukulu wa meku onsu a bena Izrayele. Bobu nebikale bantu banyi.”

Luke 20:38

Nanku Mvidi Mukulu kena Mvidi Mukulu wa bafue to, udi wa bantu badi ne muoyi. Bualu bonsu badi ne muoyi bualu buende.

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.