Misambu 9:6 - MUKANDA WA MYIDI MUKULU

⁶ Udi utandisha bisamba bidi bikubenga, ubutula bantu badi kabayi bakulamate, ukupula mena abu kashidi tshiendelela.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bena lukuna bakubutidibua; misoko yabo lwakushimbula yakulua bikulu tshiendelele. Tshivulukidi tshiai mene tshiakajimina.

Misambu 9:6 ပူးပေါင်းရင်းမြစ်များ

2 Bakalenga 19:25

“Wewe, Senakeribe, udi uditambisha. Kadi teleja, nkuvuluija malu. Ku kale, meme ke udi mulongolole malu aa. Ku kalekale, mvua muele meji a tshia kuenza. Mpindiewu ndi nkumbaja bionsu abi. Meme ndi mukupeshe bukole, bua kubutula, ne kushimbula, bimenga bidi ne bimana bikole.

Yobe 18:17

Bantu kabakumuvuluka kabidi mu ditunga. Kabakutela dina diende muaba nansha umue.

Misambu 34:16

Maweja-Nangila udi utangila bantu bende, uteleja padibu bamubila.

Misambu 34:17

Maweja-Nangila udi ukina benji ba bibi, ukupula mena abu pa buloba.

Misambu 46:9

Kanumonayi bidi Maweja-Nangila muenze. Tangilayi malu a dikema adiye mukumbaje pa buloba.

Misambu 7:5

bu meme mupingaje bubi ku bubi, nansha munyenge tshintu tshia udi unkina kapayi bualu,

Misambu 8:2

Eyi Mfumuetu, Maweja-Nangila, butumbi buebe mbunene pa buloba bujima! Bunene buebe mbupite bua diulu.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Ekesode 15:16

Bowa ne dipampakana kubakuata bonsu. Baluishi kumona bukole buebe. Kuimanabu bu mabue, kabayi banyunga. Bantu baudi musungule, mubenze bebe, kupita talalaa, kamuyi bualu.

Yeshaya 14:17

Uvua mushiye matunga munda mutupu, mubutule bimenga, mubenge kulekela bena lukanu.”

Yeshaya 26:14

Bamfumu betu ba kale bakadi bamane kufua, kabena bapeta muoyi kabidi to. Badi amu bu mundidimbi, kabena bajuuka kabidi to. Bushuwa, wewe ke uvua ubanyoka, ubabutula. Muntu nansha umue kena mua kubavuluka kabidi to.

Yeshaya 37:26

“Kadi wewe Senakeribe, kuena mumanye bualu ebu anyi? Meme ke udi mulongolole malu aa kumpala kua bidimu! Ku kale kuaka, nkavua mujadike bua kuenza malu andi nkumbaja mpindiewu. Meme ke uvua mukupeshe bukole bua kubutula bimenga bivuabu bakoleshe ne bimana.

Yirmeya 51:25

Eyowa, wewe Babilone, ndi nebe ne tshilumbu. Udi bu nyama mubi udi ukeba kubutula bionsu bidi pa buloba. Kadi meme Maweja-Nangila ndi muluishi webe! Nenkukuate mu bianza, nenkuele mu kandondu, nenkoshe ne kapia.

Mika 7:10

Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Mika 7:8

Nuenu baluishi betu, kanutuseki mu dikenga dietu. Nansha tuetu badishinde panshi, netujuke kulu! Nansha tuetu mu midima, Maweja-Nangila udi butoke buetu.

1 Korente 15:26

Muena lukuna wa nshikidilu wabutulabu ndufu.

Didimanyisha 20:2

Kukuataye nyoka wa tshidika, nyoka wa kale: ke diabolu nansha Satane. Kumusuikaye bua bamulame mu lukanu bidimu tshinunu.

1 Samuele 30:1

Matuku mamane kupita abidi, Davide ne bantu bavuaye nabu kufika mu tshimenga tshia Siklaje. Kadi bena Amaleke bavua bamane kuluisha bantu bavua basombe mu ditunga dia bena Yuda, ne bena mu tshimenga tshia Siklaje. Bena Amaleke bavua bosha tshimenga tshia Siklaje, batshinyangakaje.

1 Samuele 31:7

Bena Izrayele bavua base luseke lukuabu lua tshibandabanda, ne bavua dishiya dia Yardene, kumvuabu lumu ne: bena mvita ba bena Izrayele mbanyeme bena Peleshete, kabidi ne: Shawule ne bana bende mbafue mu mvita amu. Nanku bena Izrayele kunyema, kushiya bimenga biabu. Bena Peleshete kuasa mu bimenga abi.