Misambu 9:5 - MUKANDA WA MYIDI MUKULU

⁵ Paudi usomba mu nkuasa webe, udi ulumbuluisha tshilumbu amu pa tshiotshi. Ke muudi mukose nsambu yanyi, mumbingishe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wakabela bisamba bia bantu, wakubutula bantu babi; wakujimisha dina diabo tshiendelele.

Misambu 9:5 ပူးပေါင်းရင်းမြစ်များ

2 Samuele 17:23

Akitofele umona ne: kabena bitabe lungenyi luende, kusuikaye biseba bia kusomba pa nyama wende wa mpunde, kupinganaye mu tshimenga tshia Ngilo, nuwuaye musombela. Kulayaye bena nzubu wende, pashishe kudiowaye. Kumujikabu mu lukita lua tatuende.

Misambu 149:7

Basombuele bukua bisamba, banyoke bukua matunga,

Misambu 2:1

Bisamba bidi bitomboka bua tshinyi? Bantu badi bela bitungu bia patupu bualu kaayi?

Misambu 5:6

Kuena musue kumona bena kapeja. Udi ukina bonsu badi benzela bakuabu bibi.

Misambu 7:12

Mvidi Mukulu udi mukoshi muakane wa nsambu. Dituku dionsu udi unyoka badi benza malu mabi.

Misambu 78:55

Kuipataye bisamba bia bantu benyi bobu batangile, kubapeshaye buloba ebu, bu bumpianyi buabu. Kupingajaye bena Izrayele mu buloba bua bena Kanaane.

Misambu 79:10

Bantu benyi badi batukonka ne: “Mvidi Mukulu wabu udi wenza tshinyi?” Kadi bamanye ne: tudi basue kumona muudi usombuela, bua lufu lua bena mudimu bebe.

Nsumuinu 10:7

Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Nsumuinu 13:9

Muakane neakenke bu butoke budi buela nsese. Kadi muntu mubi udi bu muendu udi ujima.

Yirmeya 49:38

Nenshipeshe mukalenga wa bena Elame, ne balombodi ba ditunga. Meme, nenteke nkuasa wanyi wa bumfumu muaba awu.” Ke Maweja-Nangila udi wamba awu.

Muadi 3:58

Maweja-Nangila, wewe kungakuila, wewe kumpandisha.

Dielulula 9:14

Kunkandiki to. Ndekela, mbanyoke. Ndi musue kubabutula, kabayi mua kubatela kabidi pa buloba. Pashishe nenkuambuluishe bua ulele bana ba bungi, benze tshisamba tshinene, tshidi tshipita bena Izrayele ku bukole ne ku bungi!”

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.

1 Samuele 25:32

Davide kuandamuna Abiyayile ne: — Ndi ngela Maweja-Nangila wa bena Izrayele tuasakidila. Yeye ke udi mukutume bua meme kusambakena nebe mpindiewu.

1 Samuele 25:39

Davide umvua lumu lua lufu lua Nabale, kuambaye ne: — Ndi nsakidila Maweja-Nangila, udi munsungidile kudi Nabale uvua umpenda. Ndi mmuela kabidi tuasakidila, bualu mmunkandike bua meme kuenza bibi, bua tshipingajidi Nabale bubi buende. Ke Davide kutuma bantu kudi Abiyayile, bua kumuambila ne: Davide mmusue bua wikale mukajende.

1 Samuele 31:4

Kuambilaye muntu uvua mumuambuile bia lulu ne: — Angata muela webe, unshipe. Bualu tshiena musue bua banshipe, banseke kudi bena Peleshete aba, bantu bavuabu kabayi bateke panshi. Kadi, muntu uvua muambuile Shawule bia lulu, kubenga, bualu uvua ne bowa bua bungi. Ke Shawule kuasa muela wende panshi, kudiela pa muela apu.