Misambu 9:10 - MUKANDA WA MYIDI MUKULU

¹⁰ Kudi Maweja-Nangila ke kudi bonsu badibu bakengesha banyemena, ke kudibu basokomena diba dia dikenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Badi bamanye dina diebe nebakueyemene; buala bua wewe, Yehowa, kuena muanze kulekela bantu badi bakukeba.

Misambu 9:10 ပူးပေါင်းရင်းမြစ်များ

2 Samuele 22:3

Mvidi Mukulu wanyi udi lubuebue luanyi, muaba undi musokome tshiyi mua kupeta njiwu. Udi ngabu udi mundame, muaba mukole undi nyemena bua kupanda. Ndi nkeba mua kusokoma pabuipi nende, bua ansungidile ku malu makole onsu.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Misambu 37:28

Bualu Maweja-Nangila kena ulekela bantu bende, mmusue ne: bonsu benzelangane bimpe. Benji ba bibi nebabutuke kashidi, ndelanganyi yabu neijimine.

Misambu 37:39

Maweja-Nangila udi upandisha bantu bende, diba dia dikenga badi mua kusokomena kudiye.

Misambu 5:11

Mvidi Mukulu wanyi, ubanyoke, mbena tshibawu. Mateyi avuabu batuteya, abakuate bafue. Ubipate muaba uudi, bualu bubi buabu mbupite. Badi anu bakutombokela.

Misambu 57:1

Musambu wa mu mukanda wa mulombodi wa bena misambu. Wa kuimba ne meyi a musambu wa “Kunyangi…”. Kasala ka mu mukanda wa misambu ya Davide. Uvua muusake pavuaye munyeme Shawule, muye kusokoma mu lubuebue.

Misambu 91:14

Maweja-Nangila udi wamba ne: “Bu mudiye mundamate, nemmusokoke, nemmulame, bualu mmumanye tshindi.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Yeshaya 25:4

Bualu bapele ne bena dikenga bavua banyemena kuudi, wewe kubalama bimpe. Wewe uvua bu muaba wa kupengamena, diba didi mvula mukole uloka. Uvua bu muaba wa dileji, padi diba diosha buloba. — Bualu tshikisu tshia bena tshinyangu, tshidi bu mudi mvula wa tshipupu,

Yeshaya 45:19

Meme tshiena muakule mu musokoku. Muaku wanyi kawena ufuma mu miidima. Tshiena mutumine ndelanganyi ya Yakobe diyi, bua inkebele muaba udi mutupu. Meme Maweja-Nangila ndi ngamba malu amu patoke. Malu onsu andi mmanyisha mmalelela. Ndi ngakumbaja.”

Yirmeya 29:13

Nuenu bankebe ne muoyi wenu mujima, nenumpete, nennupingaje muenu.

Nahume 1:7

Maweja-Nangila udi ne muoyi muimpe. Badi mu dikenga, badi mua kusokomena kudiye. Badi banyemena kudiye, udi ubalama bimpe,

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.

1 Yone 2:3

Patudi tutumikila mikenji ya Mvidi Mukulu, ke patudi mua kujadika ne: tudi bamumanye.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.