Misambu 88:8 - MUKANDA WA MYIDI MUKULU

⁸ Udi muntekele tshiji tshikole, udi unkengesha ne mavuala.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Wakumusha balunda banyi kundi, wakubateka kule; wakunvuisha tshintu tshia bobo kukenuka. Ndi mukomena, tshiena mua kuluhukamu.

Misambu 88:8 ပူးပေါင်းရင်းမြစ်များ

Yobe 12:14

Tshidi Mvidi Mukulu mupule, kabena batshibakulule kabidi. Udiye wela mu lukanu, kabena mua kumupatulamu nansha!

Yobe 19:8

Mvidi Mukulu mmujike njila bua tshipitshi. Mmuntumine miidima bua nkebe njila wanyi mpange.

Yobe 30:10

Badi bantshina, bansesuka, banjebula. Badi bangela mata mu mesu kabayi bundu.

Misambu 142:4

Pandi nteketa mu maboku, wewe udi mumanye kundi nya. Bantu mbateya mu njila undi nyila.

Misambu 143:4

Mu maboku mmutekete, tshiena ne bukole kabidi bua kuenza bualu.

Misambu 31:11

Ntatu idi ikepesha matuku anyi a panu, bidimu bienda bipita, meme ndi ntua amu mikemu. Mibi yanyi mminyange bukole buanyi. Nansha mifuba yanyi idi isheleleka.

Misambu 42:8

Udi ungitshikijila mayi a muenji, mavuala enda avulangana, bipitshila bionsu pambidi panyi! Meme kudiina mu mayi ne kasuki!

Misambu 88:18

Matuku onsu idi injingila nseke yonsu, bu mudi mayi apasalala mu musulu.

Yeshaya 49:7

Maweja-Nangila, wa tshijila wa bena Izrayele, udi mudiangatshile mu bianza tshilumbu tshia tshisamba tshiende. Mpindiewu, wewe udibu bapepeja, udibu badiombola, udi mupika wa bakalenga ba tshikisu, Maweja-Nangila udi ukuambila ne: “Pamona bakalenga muudi mupatuke mu bupika, nebajuke mu nkuasa yabu. Balombodi ba matunga pamonabu, nebadiele panshi bua kukunemekela.” Nebaleje mudibu banemeka Maweja-Nangila, wa tshijila wa Izrayele. Bualu yeye uvua mukusungule, udi ukumbaja kabidi bivuaye mulaye.

Yeshaya 63:3

— Eyowa, ndi mukame tumuma mu tshiamu nkayanyi. Tshivua ne muena kuetu nansha umue uvua ungambuluisha. Mvua ne tshiji ne lonji. Meme kudiata bantu, kubatua miseba. Mashi abu avua mansampukile ku bilamba, ke mudi bilamba bianyi ne makeji makunze nanku.

Yirmeya 32:2

Tshikondu atshi, bena mvita ba mu bena Babilone bavua baluisha Yerushalayime. Muambi Yirmeya uvua mu nzubu wa lukanu mu lubanza lua bena mvita balami ba mukalenga wa bena Yuda.

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.

Yowanane 11:57

Bamfumu ba batuangaji ne Baparushe bavua bamane kuela mukenji ne: Muntu yeye mumanye muaba udi Yezu, amanyishe bua tumone mua kumukuata.