Misambu 86:5 - MUKANDA WA MYIDI MUKULU

⁵ Maweja-Nangila wewe udi muakane, udi ne muoyi wa kufuila bantu luse, ne wa kupesha badi bakubikila bintu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua wewe, Mukelenge, udi muimpe, ne mutshima webe udi musue kubuikidila bantu mihi yabo; udi mûle tente ne luse lujalame kudi bonso badi bakubikila,

Misambu 86:5 ပူးပေါင်းရင်းမြစ်များ

Nehemya 9:17

Bavua babenga kuyitumikila. Kabavua bavuluke malu a dikema, auvua mubenzele. Kukutombokelabu. Bavua basue kupingana mu Ejipitu mu bupika. Kadi wewe, udi Mvidi Mukulu udi ubuikila bubi bua bantu, udi ne luse ne dinanga, lutulu ne muoyi mulenga. Nanku, kuena mubalengulule to.

Misambu 103:3

Yeye ke udi umbuikidila malu mabi anyi onsu, ondapa masama anyi onsu,

Misambu 103:8

Maweja-Nangila udi luse ne dinanga, kena upia tshiji lukasa, udi ne luse lua bungi.

Misambu 119:68

Maweja-Nangila, udi muimpe, wenza malu mimpe, undongeshe biudi musue.

Misambu 130:4

Wewe udi ne luse, ke padi bantu bakunemeka.

Misambu 130:7

Bena Izrayele, Tekemenayi Maweja-Nangila, bualu udi muimpe, udi mua kunusungidila mishindu yonsu.

Misambu 145:18

Maweja-Nangila udi pabuipi ne bantu badi bamubila, udi pabuipi ne bonsu badi bamubila ne muoyi umue.

Misambu 25:8

Maweja-Nangila mmuena bulenga ne buakane, udi uleja bena tshibawu njila wa kulonda.

Misambu 36:7

Lupandu luebe ndupite ne mikuna mitumbuke ku bule. Nsambu iudi ukosa mmipite buondoke bua mayi manene. Maweja-Nangila, wewe udi wambuluisha bantu, wambuluisha kabidi ne nyama.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 52:1

Musambu wa mu mukanda wa mulombodi wa bena misambu. Kasala ka mu mukanda wa misambu ya Davide.

Misambu 69:14

Kadi meme, Maweja-Nangila, ndi amu nkutendelela. Ungambuluishe tshikondu tshiudi musungule. Mvidi Mukulu wanyi, bu muudi unnanga bikole, ungitabe, unsungidile.

Misambu 69:16

Muenji kaumpuekeshi, mavuala kaanjimiji. Lukita luanyi kalushadi muinshi mua mayi.

Misambu 86:15

Kadi wewe, Maweja-Nangila, Mvidi Mukulu udi ufuila bantu luse, wa lutulu, muwule tente ne buimpe, ulama malaya ebe,

Ekesode 34:6

Pashishe, kupitaye kumpala kua Moshe wamba kabidi ne: “Ndi Maweja-Nangila Mvidi Mukulu wa luse ne dinanga, ndi ne lutulu luvule, ndi nkumbaja bionsu bindi ndaya bantu, tshiena mfika munda lukasa.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Yezekiyele 36:33

“Meme Maweja-Nangila Mvidi Mukulu, ndi ngamba ne: Pandi mumane kumusha mikiya yonsu inudi nayi bua malu enu mabi, nenteke bantu mu bimenga, nebibakulule miaba yonsu ivua minyanguke.

Yezekiyele 36:37

“Meme Maweja-Nangila Mvidi Mukulu, ndi ngamba ne: Nengitabe bua bena Izrayele basengelele bua meme kubambuluisha. Nembavudije, bikale bungi bu tshisumbu tshia mikoku.

Danyele 9:9

Kadi wewe Maweja-Nangila, Mvidi Mukulu wetu, bu muudi utunanga, udi utufuila luse, nansha tuetu bakutombokele.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Yona 4:2

Kuambilaye Maweja-Nangila ne: — Kia! Maweja-Nangila, ke tshimvua ntshina etshi, pamvua kuetu. Ke mumvua munyeme bua kuya ku Tarshishe. Mvua mumane kumanya bimpe ne: wewe udi Mvidi Mukulu wa luse ne dinanga. Udi muena lutulu. Dinanga diebe kadiena ne ndekelu. Udi amu musue kulekela kukumbaja biuvua mukanyine nabi bantu.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Bienzedi 2:21

Kadi muntu yonsu wabila Maweja-Nangila, neapande.”

Efeze 2:4

Kadi Mvidi Mukulu udi ne luse lunene, kabidi udi utunanga bikole.