Misambu 81:3 - MUKANDA WA MYIDI MUKULU

³ Imbayi musambu, nuimbe ne ngoma, ne lunkombe ludi ne muadi muakane ne lunzenze.

Mukanda wa Nzambi Dihungila Dikulukulu ne Dihungila Dihia-dihia 2003

³ Nuele mpungi habala ngondo, ne halua ngondo tshibalu, mu dituku dietu dia bidia bia disanka.

Misambu 81:3 ပူးပေါင်းရင်းမြစ်များ

2 Bakalenga 4:23

Bayende kumukonka ne: — Udi uya kudi muambi lelu bua tshinyi? Ki ndituku dia tshibilu tshia ngondu mupiamupia, nansha dituku dia Dikisha mene! Mukaji kuandamuna ne: — Kupampakanyi to!

1 Kulondolola 15:16

Davide kuambila balombodi ba bena Levi bua basungule mu meku abu, bena misambu, bikale ne bisanji, nzenze ne ndibu, badi mua kuimba misambu ne diyi dikole dia disanka.

1 Kulondolola 15:19

Bimbi ba misambu Emane, Ashafe ne Etane bavua bimba bikole ndibu ya tshiamu tshikunze.

1 Kulondolola 15:24

Obede-Edome ne Yekiya kabidi bavua benda pabuipi ne mushete. Kadi batuangaji aba: Shebanya, Yosafate, Netaneyele, Amashayi, Zekarya, Benaya ne Eliyezere ke bavua benda bela mpungi kumpala kua mushete wa Mvidi Mukulu.

1 Kulondolola 16:42

Emane ne Yedutune bavua ne mpungi ne ndibu ya bena misambu. Bavua kabidi ne bikuabu biamu bia kuimba nabi misambu ya tshijila. Bana ba Yedutune bavua balami ba biibi.

1 Kulondolola 16:6

Batuangaji Benaya ne Yaziyele bavua bela amu kuela mpungi kumpala kua mushete wa tshijila.

1 Kulondolola 25:1

Bavua bambuluisha Davide kudi bamfumu ba bisumbu bivua bitangila mudimu wa butendeledi, bua kusungula bena mudimu wa butendeledi awu. Ke ndelanganyi ya Ashafe, ya Emane, ne ya Yedutune. Ndelanganyi eyi ivua imanyisha malu a Mvidi Mukulu, imba misambu ne lunzenze, lunkombe ne ndibu. Mena abu avua nenku:

2 Kulondolola 13:12

Mpindiewu, Maweja-Nangila nkayende ke udi utulombola. Batuangaji bende apa badi bakeba kuela mpungi, bua kuleja tshimanyinu tshia mvita, bua kunuluisha. Nanku, nuenu bena Izrayele, kanuluishi Maweja-Nangila Mvidi Mukulu wa bankambua benu, bualu kanuakutshimuna mvita to.

2 Kulondolola 13:14

Bena Yuda batangile panyima, kumonabu ne tudi ne bua kuluangana nseke ibidi. Kulombabu diambuluisha kudi Maweja-Nangila. Nanku, pavua batuangaji bela mpungi,

2 Kulondolola 2:4

Nanku, nzubu wa Mvidi Mukulu undi ngasa neikale munene, wa lumu, bualu Mvidi Mukulu wetu mmupite mvidie yonsu ku bunene.

2 Kulondolola 5:12

Bena Levi bavua bamanye mua kuimba misambu: Ashafe, Emane, Yedutune ne bana babu ba balume, ne bantu bakuabu ba mu meku abu, bavua bavuala bilamba bia buanda buimpe bua ndanda. Bavua ne biombelu biabu, ludibu, lunzenze ne tshisanji, bimane ku luseke ludi diba dipatukila lua tshilambuilu. Pabuipi nabu pavua batuangaji lukama ne makumi abidi, bavua bamanye mua kuela mpungi.

2 Kulondolola 8:13

Bilondeshile mikenji ivua Moshe mumane kujadika bua dituku dionsu dia bualu, Shelomu uvua ulambula milambu dituku dia Dikisha, dituku dia kumpala dia ngondu, ne mu bibilu bisatu binene bia ku tshidimu: Dituku dia Mampa kaayi mela buanga, dia Dinowa biakudia, ne dia tuzubu tua Bisasa.

Misambu 149:3

Bantu batumbishe Maweja-Nangila ne maja, bamuimbile, bamusamune ne lunkombe.

Misambu 33:2

Tumbishayi Maweja-Nangila ne lunzenze, musamunayi ne tshisanji tshia nshinga dikumi!

Misambu 98:6

mutumbishayi ne tshiona ne mpungi ya biamu ne ya nsengu, nuele tunkunduluila kumpala kua Mukalenga Maweja-Nangila.

Muadi 2:6

Kutulaye lupangu lua nzubu wende, kunyangaye muaba uvuaye usambakena netu. Maweja-Nangila kupesha bena Siyone tshipua muoyi tshia matuku a disanka ne tshia dituku dia Dikisha. Kulejaye tshiji tshiende: kupetulaye bakalenga, ne batuangaji kabidi.

Dibadika 15:3

nungoshile nyama mijima bua kundambula. Nundambule kabidi milambu ya bobumue. Nuenze nanku bua kukumbaja malaya, nansha anu ku budisuile buenu, nansha kabidi bua bibilu. Milambu ayi, ikale ya ngombe, mbuji nansha mikoku. Nenganyishe mupuya muimpe wayi.

Dibadika 28:11

“Dituku dia kumpala dia ngondu yonsu, nungoshile meme Maweja-Nangila ngombe milume ibidi, mukoku wa tshimpanga, ne bana ba mikoku muanda mutekete, badi bamane kukumbaja tshidimu tshijima. Bimuna bionsu abi, kabikadi ne bulema pambidi to.

Dielulula 16:15

Nuenze tshibilu etshi matuku muanda mutekete, bua kutendelela Maweja-Nangila Mvidi Mukulu wenu. Nutshienzele anu muaba wikalaye musungule. Nusanke bikole, bualu Maweja-Nangila neanuvudijile biakudia bia bungi mu madimi enu. Neanusankishe kabidi mu bionsu binudi nuenza.

Kolose 2:16

Kanuteleji badi banujana, bua binudi nudia nansha nunua, nansha bua bibilu, bua ngondu mupiamupia, nansha bua dituku dia Dikisha.