Misambu 80:8 - MUKANDA WA MYIDI MUKULU

⁸ Mvidi Mukulu wa bukole buonsu, utupingaje kuudi, utuakidile netupande.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Wewe wakalufila muonshi wa tumuma tua nvinyo mu Ejipitu; wakihatamu bisamba bia bantu, wakûkuna.

Misambu 80:8 ပူးပေါင်းရင်းမြစ်များ

Misambu 31:17

Ungakidile bimpe, bualu ndi muntu webe. Umpandishe, bualu udi munnange.

Misambu 44:2

Mvidi Mukulu wetu, tudi badiumvuile ne matshi etu, baledi betu ne bankambua bavua batuambile, malu manene auvua muenze ku kale mu tshikondu tshiabu.

Misambu 60:3

Mvidi Mukulu wanyi, wewe uvua mutunyemeshe, munyangakaje mualu wetu wa mvita. Bushuwa uvua mufike munda. Kadi mpindiewu utupingajile bukole buetu!

Misambu 78:55

Kuipataye bisamba bia bantu benyi bobu batangile, kubapeshaye buloba ebu, bu bumpianyi buabu. Kupingajaye bena Izrayele mu buloba bua bena Kanaane.

Yirmeya 12:10

Benyi, balami ba mikoku ba bungi, mbafike ne nyama yabu. Nyama kunyanga budimi buanyi bua mvinyo, kudiatakaja lupangu luanyi. Lupangu luanyi luvua luimpe lutambe, kadi nyama kulushiya tshipela tshikuatshisha bantu bowa.

Yirmeya 2:21

Meme Maweja-Nangila mvua munukune, mudibu bakune mionji ya mvinyo muimpe. Nuvua bu maminu mimpe amvua mukune mu buloba. Kadi nudi banyanguke bua tshinyi? Nukadi bu mionji ya mvinyo mibole, indi tshiyi mua kumanya kabidi to.

Yezekiyele 15:6

Meme Maweja-Nangila Mvidi Mukulu, ndi ngamba ne: badi bela mionji ya mvinyo muiku, kadi kabena belamu mabaya a mutshi nansha. Ke mundi musue kunyoka amu bena mu Yerushalayime.

Yezekiyele 17:6

Lutonga alu kutoloka kuenza muonji wa mvinyo munene, ulamba panshi. Matamba a muonji awu kubaluluka, kukola, kutangila too ne ku muaba uvua nyunyi wa tshiminyi. Miji ya muonji kubuela mu buloba. Muonji awu kusampila bikole, kuela ntonga mipiamipia.

Yezekiyele 19:10

Mamuebe uvua mufuanangane ne muonji wa mvinyo, mukuna ku muelelu wa mayi. Uvua mutoloke mabeji, mukuame bimuma, bualu uvua upeta mayi mavule.

Bienzedi 7:45

Bankambua betu bakuabu bavua bapiane ntente ewu. Bavua bamuambula diba divua Yoshuwa, mulombodi wabu, mukuate nabu ditunga divua dia bisamba bia bende. Bisamba abi, Mvidi Mukulu uvua ubipata, pavua bena Izrayele benda babuela mu ditunga. Nanku ndelanganyi yonsu ya bena Izrayele kushala ne ntente awu, too ne ku tshikondu tshia Davide.

Yoshua 13:6

Nenukuate kabidi ditunga dia mikuna didi pankatshi pa Lebanone ne Misrefote-Mayime. Bena ditunga adi bonsu badi amu bena Sidone. Padi bena Izrayele basemena ku kakese ku kakese, Meme Maweja-Nangila nembumushile ku bukole bena matunga aa bonsu. Pashishe wewe Yoshuwa, newabanyine bena Izrayele ditunga mu bitupa bishilangane. Neubitshinke anu bu mumvua mukuambile.