Misambu 79:1 - MUKANDA WA MYIDI MUKULU

¹ Musambu wa mu mukanda wa misambu ya Asafe. Eyi, Mvidi Mukulu, bantu benyi mbanyange muaba webe uudi usomba, mbashiye mikiya mu nzubu webe wa tshijila, Yerushalayime mmushale kabutu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nzambi, bisamba bia bantu biakubuela mu buhianyi buebe; kunyanga ntempelo webe wa tshijila; biakubutula Yelushalema bua kulueye mishiki ya mabue.

Misambu 79:1 ပူးပေါင်းရင်းမြစ်များ

2 Bakalenga 24:13

Nanku, Nebukadnesare kupawula bintu bia mushinga mukole bivua mu nzubu wa Mvidi Mukulu ne bivua mu nzubu wa bukalenga. Kushipaye bintu bionsu bivuabu benza ne tshiamu tshia mpawungi, bivua mukalenga Shelomu muenzeje bua kutendelela nabi mu nzubu wa Mvidi Mukulu.

2 Kulondolola 36:17

Maweja-Nangila kutuma mukalenga wa Babilone bua kukuata ditunga. Bantu bonsu kushala ku bumfumu bua mukalenga awu. Mukalenga awu kushipa bena mvita bonsu too ne bavua muaba wa tshijila. Kavua mushiye muntu nansha umue ne muoyi! Bansongalume, bansongakaji, bantu bakole ne bakulakaje, kufuabu bonsu.

2 Kulondolola 36:19

Bena Babilone kuosha nzubuvua Mvidi Mukulu. Kupulabu tshimana tshia Yerushalayime. Kuoshabu nzubu ya bukalenga. Kunyangabu bintu bionsu bia mushinga mukole biamu tshimenga.

Misambu 50:1

Musambu wa mu mukanda wa misambu ya Asafe. Mvidi Mukulu, Mvidi Mukulu Maweja-Nangila uvua muakule, muele lubila pa buloba. Kumvuikalu kudi diba dibanda ne kudidi dibuelela.

Misambu 78:71

uvua mumuangate pavuaye ulonda mikoku mu nyima, bua kuikala mulami wa bena Izrayele, bantu bende bavuaye mupite kunanga.

Ekesode 15:17

Maweja-Nangila, wewe kubafikisha, kubasombesha, pa mukuna uudi mudisunguile, pa muaba uudi musue kusomba, mu nzubu wa tshijila uudi mudiashile.

Yeshaya 47:6

Mvua mufikile bantu banyi munda. Nenku meme kubadiwula. Meme kubafila mu bianza biebe. Kadi kuvua ne luse nansha lukese. Bakulakaje mene, uvua mubakengeshe bikole.

Yeshaya 63:18

Tuetu bantu bebe ba tshijila, tuvua ne bumfumu mu dietu ditunga amu bidimu bikese. Baluishi betu kufika, kunyanga nzubu webe wa tshijila.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yirmeya 51:51

Tuvua ne bundu bua bungi patuvua tunwua bipendu! Tuvua ne bundu patuvua bamone bantu ba bisamba bikuabu, babuele mu muaba wa tshijila mu nzubu wa Maweja-Nangila.

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Muadi 1:10

Baluishi mbapawule bubanji buende buonsu. Yerushalayime mmudimuene muvua bantu ba bisamba bikuabu babuele mu nzubu wa Mvidi Mukulu wende. Ke bantu bauvua wewe Maweja-Nangila mukandike bua kababuedi muaba webe wa kutendelela.

Yezekiyele 9:7

Nanku, Maweja-Nangila kubambila ne: — Nunyange nzubu wa Mvidi Mukulu ne mikiya. Nuwuje lubanza lua nzubu awu ne bitalu tente. Pashishe, nutungunuke nuye muaba mukuabu. Nanku, kuyabu benda bashipa bantu mu tshimenga.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.