Misambu 78:5 - MUKANDA WA MYIDI MUKULU

⁵ Uvua mulongeshe bantu bende, kuelelaye bena Izrayele mukenji, kuambilaye bankambua betu, bua balongeshe bana babu malu aa.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua yeye wakajadika tshimanyishilu tshia Yakoba, wakasungula diyisha dia mikenji mu Isalele, biakeleleye batatu betu mukenji bualu buabi ne, Nubiyishe kudi bana benu baledibue.

Misambu 78:5 ပူးပေါင်းရင်းမြစ်များ

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Misambu 119:152

Meyi ebe ndi muamanye ku kale, uvua muambe bua kashidi.

Misambu 147:19

Udi umanyisha tshisa tshiende diyi diende, ufundila Izrayele mikenji ya muoyi.

Misambu 19:7

Didi dibanda ku ntuadijilu wa buloba, dibuela ku ndekelu wabu, nkenke yadi itua miaba yonsu.

Misambu 81:5

Bualu etshi ke mudimu wa bena Izrayele, dipangadika dia Mvidi Mukulu wa Yakobe,

Ekesode 12:27

Nubandamune ne: “Mmulambu wa tshivulukilu tshia Dipita dia Maweja-Nangila. Pavua bena Izrayele mu Ejipitu, Maweja-Nangila uvua mushipe bena Ejipitu. Kadi uvua mupitshile patupu ku nzubu ya bana betu, kayi muimane bua kubashipa. Uvua mutufuile luse ne bena meku etu bonsu.” Ke bena Izrayele kudiela panshi bua kukuila Maweja-Nangila.

Ekesode 25:16

Mu mushete amu utekemu mabue, adi ne mikenji ingakupesha, idi ijadika ndondu.

Ekesode 25:21

Mu mushete awu, utekemu mabue andi nkupesha adi ajadika ndondu. Pashishe, ubuikile tshibuikidiji ku mushete aku.

Ekesode 40:20

Moshe kuteka mabue a mikenji dikumi mu mushete wa ndondu. Kubuejaye mitshi ku mushete, kumubuikilaye tshibuikidiji.

Ekesode 40:3

Batekemu mushete wa ndondu, baujika ne tshilamba tshilembeleja, bua kabaumonu kudi bantu to.

Yeshaya 38:19

Amu badi ne muoyi ke badi bakusamuna, mundi ngenza meme lelu. Baledi nebamanyishe bana babu, muudi ukumbaja bionsu biudi ulaya.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Rome 3:2

Mushinga wa bionsu abi mmunene. Bangabanga bualu Mvidi Mukulu uvua mudianze kumanyisha bena Yuda miaku yende.

Efeze 6:4

Baledi, kanufikishi bana benu munda. Kadi nubakoleshe, nubakele, nubabele mushindu udi Mfumu musue.

Dielulula 11:19

Nulongeshe bana benu mikenji eyi, nuyitele diba dionsu, panudi nusomba ku nzubu yenu, nansha panudi nuendakana mu njila, panudi nulala nansha panudi nubika.

Dielulula 31:13

Nanku bana bonsu badi kabayi banji kumanya mikenji eyi, nebayumvue, nebamanye mua kunemeka Maweja-Nangila, matuku onsu anuikala dishiya dia Yardene, mu ditunga dinuakuata.

Dielulula 32:46

kubabelaye ne: — Mikenji yonsu indi nnuambila lelu eyi, nuyikumbaje. Nuyilongeshe ndelanganyi yenu, bua ikumbaje tshidi Mvidi Mukulu musue.

Dielulula 4:45

Kumanyishaye bena Izrayele, bamane kumuka mu Ejipitu, bionsu bivua Maweja-Nangila musue: meyi ne mikandu, kabidi ne mikenji.

Dielulula 6:7

Nuyilongeshe bana benu, nuyitele panudi basomba mu nzubu yenu, nansha bendakana mu misesu, panudi nulala, nansha nubika.