Misambu 78:34 - MUKANDA WA MYIDI MUKULU

³⁴ Bamane kupunga ne lufu, kutangilabu kabidi kudi Mvidi Mukulu, kupinganabu kudiye bakeba diambuluisha diende.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Hakabashiheye, hashishe, bakamukeba; bakahingana kudiye, bakakeba Nzambi ne lukunukunu.

Misambu 78:34 ပူးပေါင်းရင်းမြစ်များ

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 26:6

Mpindiewu bantu bapele ne badibu bapetula, badi mua kudiata muaba awu.”

Yirmeya 22:23

Wewe uvua musombe talalaa pa mukuna wa Lebanone. Uvua muenze disua diebe mu mutshi wa sedre. Kadi neudinyenge bu mukaji udi ukeba kulela. Neutue mikemu bikole, padi makenga akukuata.

Osheya 5:15

Maweja-Nangila udi wamba ne: Eyowa, nempingane kuanyi, too ne ku diba didi bena Efrayime ne bena Yuda, batonda bubi buabu, bapingana kundi. Amu dikenga nedibalongeshe mua kunkeba, kupingana kundi.

Osheya 7:14

Bena Efrayime kabena bankeba ne muoyi mujima to. Padibu balala, badi badila muadi. Badi baditapa mputa pambidi bua kupeta ntete ya kuenza bukula mu madimi abu, nansha bua kupola tumuma tuvule tua mvinyo. Kadi badi amu bantombokela.

Dibadika 21:7

Bavua bashale, kunyemenabu kudi Moshe, bamuambila ne: — Tudi bena tshibawu, bualu tuvua bakujane wewe, bajane kabidi ne Maweja-Nangila. Nanku, usengelele Maweja-Nangila. Atumushile nyoka eyi! Moshe kulombela bena Izrayele kudi Maweja-Nangila.

Balombodi 4:3

Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.