Misambu 77:2 - MUKANDA WA MYIDI MUKULU

² Ndi ndidila Mvidi Mukulu ne diyi dikole bua dikenga dianyi. Ndi ndidila Mvidi Mukulu bua anteleje.

Mukanda wa Nzambi Dihungila Dikulukulu ne Dihungila Dihia-dihia 2003

² Mu dituku dia makenga anyi nakakeba Mukelenge. Tshianza tshianyi tshiakadi tshiolola kudiye butuku katshiyi tshihange; muoyo wanyi wakabenga kusambibua.

Misambu 77:2 ပူးပေါင်းရင်းမြစ်များ

Genese 32:28

Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.

Genese 37:35

Bana bende ba balume ne bakaji kufika bua kumusamba. Yakobe kubenga, wamba ne: “Ndi ndila amu Yozefe too ne mungafua.” Ke muvua Yakobe mutungunuke ne madilu a muanende Yozefe nanku.

2 Kulondolola 6:28

“Padi tshiyole tshia nzala tshibuela mu ditunga, nansha tshipupu tshia disama dia tshiambu, padi munanga mumishe ntete ya kuenza bukula, nansha padi mvula unyanga bia pa madimi, padi mpasu ya mukumbi nansha ya mishindu mikuabu, mibuele mu ditunga mipite bungi, baluishi bakengesha bena Izrayele, babipata ne muaba mene udibu basokome mu bimenga biabu bivuabu bakoleshe ne bimana, tshipupu nansha disama dia tshiambu bibuela mu ditunga,

Yobe 11:13

Kadi wewe Yobe, olola bianza biebe kudi Mvidi Mukulu, umutendelele.

Misambu 18:6

Kandondu ka bafue kavua kasue kuya nanyi, buteyi buaku bukeba kumbakula.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 55:17

Meme ndi mbikila Mvidi Mukulu, bua angambuluishe. Nanku Maweja-Nangila neampandishe.

Misambu 63:6

Wewe udi unsankisha. Ndi bu muntu udi udia, uukuta mu didia dia tshibilu. Nenkutumbishe, nkuela mbila ya disanka.

Misambu 86:7

Pandi mu dikenga, ndi nkubikila bualu neungitabe.

Nsumuinu 18:14

Padi muntu utekemena ne: nempande, udi upanda. Udi kayi utekemena lupandu, udi mua kufua lukasa.

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 26:9

Meme kabidi bufuku, ndi nkujinga. Ndi nkukeba ne muoyi wanyi mujima. Pawikala ulumbuluisha, unyoka bantu badi basomba pa buloba, nebamanye mua kusomba bimpe.

Yirmeya 31:15

Maweja-Nangila udi wamba ne: Umvuayi mudibu badila muadi mu Rama, bela miyenga mikole. Rakele ke udi udila bana bende. Kena musue bua bantu bamusambe, bualu mmujimije bana bende.

Osheya 5:13

Bena Efrayime mbamane kumanya disama divuabu nadi. Bena Yuda mbamane kumanya dikenga diabu dipite bunene. Ke bena Efrayime kuya ku Ashure. Kutuminabu mukalenga munene mikenji. Kadi mukalenga ewu kena ne mushindu wa kujikija dikenga diabu, kena mua kuondapa mputa yabu.

Osheya 6:1

Nudi nuamba ne: “Tuyayi, tupinganayi kudi Maweja-Nangila. Yeye udi mututape mputa, neatuondape kabidi. Yeye udi mutukume, neatusuike tshilamba pa mputa.

Yowanane 11:31

Pavua bena Yuda bavua ne Mariya mu nzubu bua kumusamba bamumona ujuka upatuka lukasa, kumulondabu. Bavua bela meji ne: udi uya ku lukita bua kudilamu muadi.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.