Misambu 77:12 - MUKANDA WA MYIDI MUKULU

¹² Maweja-Nangila, ndi mvuluka bionsu biuvua muenze. Eyowa, ndi ngela meji ku malu ebe a kukema a kale.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nengelangane meji a mudimu webe wonso, nengelangane meji munda muanyi a bienzedi biebe.

Misambu 77:12 ပူးပေါင်းရင်းမြစ်များ

Misambu 104:34

Maweja-Nangila, musambu wanyi ukulengelele, meme ndi ne disanka bua pandi nebe wewe Mvidi Mukulu!

Misambu 105:2

Numuimbile misambu, numutumbishe nayi, nuambilangane malu ende a kukema onsu.

Misambu 105:5

Nuenu ndelanganyi ya Abrahame, muntu wende, nuenu bana ba Yakobe bantu bende basungula! Nuvuluke malu a kukema adiye muenze, mwuluke bishima biende, ne meyi ende avuaye muambe mukana muende.

Misambu 119:52

Maweja-Nangila, ndi mvuluka mapangadika ebe a kale, ngumvua dikisha mu muoyi.

Misambu 143:5

Ndi mvuluka matuku akadi mamane kupita, ngela meji a bionsu biudi muenze, nganyina mudimu webe.

Misambu 145:11

Batumbishe bukalenga buebe! Bambilangane bukole buebe!

Misambu 145:4

Ndelanganyi yonsu imanyishangane biudi muenze, yambilangane bukole buebe.

Misambu 71:24

Bu muudi ukumbaja malaya ebe, nenkutumbishe buatshia buila. Bonsu bavua bakeba kumbutula, bundu bubakuate, bupuke lumu.

Yeshaya 63:11

Amu diba adi, bantu bende kuvuluka Moshe, ne malu avua menzeke kale. “Mvidi Mukulu uvua musambuishe kale bantu bende ne balombodi babu mu mayi manene, mpindiewu udi penyi? Mvidi Mukulu uvua mutume Mueyelu wende munkatshi muabu, udi muaba kaayi?

Dielulula 6:7

Nuyilongeshe bana benu, nuyitele panudi basomba mu nzubu yenu, nansha bendakana mu misesu, panudi nulala, nansha nubika.

Dielulula 7:18

Kanubitshinyi! Nuvuluke muvua Maweja-Nangila Mvidi Mukulu wenu muenze ne mukalenga wa bena Ejipitu, ne bantu bende bonsu.

Dielulula 7:19

Nuvua badimuene muvua Maweja-Nangila mukengeshe bena Ejipitu, nuwuaye muenze malu a kukema, muleje bukole buende bua kunupatula mu ditunga adi. Numanye ne: Maweja-Nangila Mvidi Mukulu wenu, neakengeshe bisamba bionsu binudi nutshina ebi anu mushindu awu.