Misambu 74:15 - MUKANDA WA MYIDI MUKULU

¹⁵ Uvua mupatule mayi mu mpokolu ne mu tusulu, mumishe misulu minene ivua kayiyi mua kukama.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wakahanda nshila bua mishimi ya mai ne tusulu bihuekelemu, wakabaluisha misulu yakadi ihueka misangu yonso.

Misambu 74:15 ပူးပေါင်းရင်းမြစ်များ

2 Bakalenga 2:14

Kuambulaye tshinkutu atshi, kutuuta pa mayi a musulu, wamba ne: — Maweja-Nangila Mvidi Mukulu wa Eliya, udi penyi? Eyowa, udi penyi? Kutuutaye tshinkutu pa mayi a musulu. Mayi kupanduluka eku ne eku. Elisha kusabuka.

2 Bakalenga 2:8

Eliya kukopola tshinkutu tshiende tshivuaye natshi, kutshibunya, kutshituila pa mayi. Mayi kupanduluka eku ne eku. Nanku, bonsu babidi kusabuka ku makasa kume.

Misambu 105:41

Kunzululaye dibue, mayi kupatuka, kupuekawu mu tshipela bu musulu.

Misambu 114:3

Mayi manene amona bena Izrayele, kukosolokawu. Musulu wa Yardene kupingana tshianyima.

Misambu 78:15

Kupandaye mabue mu tshipela, bua kubapesha mayi a muinshi mua buloba.

Yeshaya 11:16

Bu muvua bena Izrayele bavua bapatuka mu Ejipitu, benda mu njila munene, ke mudi bantu bavua bashale ne muoyi, mu ditunga dia bena Ashure, mua kuenda kabidi mu njila munene.

Yeshaya 44:27

Udi utumina mayi manene diyi ne: ‘Kamayi’, udi umisha mayi, udi amu meme.

Yeshaya 48:21

Udi mufile bena diende mu tshipela. Nyota kayena ibasuma. Bua kubanuisha, udi upatula mayi mu lubuebue. Udi upanda lubuebue, mayi kupatuka.

Abakuke 3:9

Udi mumane kupatula buta buebe, mupayikaku mukete. Ke buloba kupandika, mayi a muinshi mua buloba kupatuka, kuenza misulu.

Dibadika 20:11

Moshe kutuuta dikombu pa lubuebue misangu ibidi. Mayi kupatuka mapite bungi. Bena Izrayele kunua, ne bimuma biabu kabidi.

Yoshua 2:10

Tuvua bapete lumu ne: diba dinuvua numuka mu ditunga dia Ejipitu, Maweja-Nangila uvuamumishe Mayi manene makunze bua nuenu kusabuka. Kabidi tuvua bumvue ne: nuvua bashipe Sihone ne Oge, bakalenga ba matunga abidi a bena Amore, banyangakaje kabidi bintu biabu. Bakalenga abu, bavuabase luseke ludi diba dipatukila lua Yardene.

Didimanyisha 16:12

Mutumibue muisambombu kuitshikija dikopu diende pa musulu munene wa Perate. Musulu kuuma, bua bakalenga badi batumina luseke ludi diba dipatukila bapete muaba wa kusabukila.