Misambu 74:1 - MUKANDA WA MYIDI MUKULU

¹ Kasala ka mu mukanda wa misambu ya Asafe. Mvidi Mukulu wanyi, udi mutubenge kashidi bua tshinyi? Udi mutulamine tshiji bua tshinyi? Tuetu bikale mikoku ya mu tshikumbi tshiebe?

Mukanda wa Nzambi Dihungila Dikulukulu ne Dihungila Dihia-dihia 2003

¹ Wewe Nzambi, bualu kai wakutubenga tshiendelele? Tshiji tshiebe tshidi tshihatuila mikoko ya mu tshidilu tshiebe tshidi ne mashinde muishi wa kahia bua tshinyi?

Misambu 74:1 ပူးပေါင်းရင်းမြစ်များ

2 Bakalenga 21:14

Bantu bena Izrayele bikale bashale, tshiakuikala nabu ne bualu to. Nembafile ku bumfumu bua baluishi babu. Baluishi abu, nebapawule bintu bionsu bia bena ditunga diabu.

Misambu 10:1

Maweja-Nangila, udi muimanyine kule bua tshinyi? Udi musokome patudi mu dikenga bualu kaayi?

Misambu 100:3

Numanye ne: Maweja-Nangila udi Mvidi Mukulu. Yeye ke udi mutufuke, tudi bantu bende. Tudi bantu bende ne mikoku idiye ulama.

Misambu 18:8

Ke buloba kuzakala, kunyungakana, bitaku bia mikuna kutenkakana, kunyukakana, bualu bua tshiji tshia Maweja-Nangila.

Misambu 42:11

Bipendu bia baluishi banyi bidi binsunsula, bualu dituku dionsu badi banseka, bangebeja ne: “Mvidi Mukulu webe udi penyi?”

Misambu 42:9

Dituku dionsu Maweja-Nangila neangenzele bimpe. Butuku bujima nemmutumbishe, mmuele tuasakidila. Nentendelele Mvidi Mukulu, bualu kudiye ndi mpeta muoyi.

Misambu 44:9

Maweja-Nangila, matuku onsu tudi tukupa lumu. Tudi tutumbisha dina diebe kashidi.

Misambu 50:1

Musambu wa mu mukanda wa misambu ya Asafe. Mvidi Mukulu, Mvidi Mukulu Maweja-Nangila uvua muakule, muele lubila pa buloba. Kumvuikalu kudi diba dibanda ne kudidi dibuelela.

Misambu 60:1

Musambu wa mu mukanda wa mulombodi wa misambu. Wa kuimba ne lunzenze. Kasala ka mu mukanda wa misambu ya Davide. Musambu wa kulongesha bantu.

Misambu 60:10

Ditunga dia Mowabe ke dilongu dindi ngowela mayi. Ndi ngelela tshisabata tshianyi pambidi pa ditunga dia Edome, bualu ndianyi. Bena Peleshete badi mua kutshimuna anyi?”

Misambu 77:8

Maweja-Nangila neatubenge kashidi anyi? Kena kabidi netu bualu anyi?

Misambu 78:1

Kasala ka mu mukanda wa misambu ya Asafe. Bantu banyi telejayi bimpe malongesha anyi, teyayi matshi ku bindi nnuambila.

Misambu 79:13

Kadi tuetu bantu bebe, mikoku ya mu tshikumbi tshiebe, netukuimbile misambu kashidi, tukutumbishe mu nkama ne nkama ya bidimu.

Misambu 79:5

Maweja-Nangila neutulaminyine tshiji atshi tshikole, ne mukawu udi wosha bu kapia musangu bule munyi?

Misambu 80:5

Maweja-Nangila, Mvidi Mukulu wa bukole buonsu, tshiji tshiebe netshijike diba kaayi? Bilondeshile mudi bantu bebe bakutendelela?

Misambu 85:6

Neutukuatshile tshiji matuku onsu anyi? Neufikile ndelanganyi yonsu munda anyi?

Misambu 95:7

Bualu yeye ke udi Mvidi Mukulu wetu, tudi bantu badiye ulama, tudi tshisumbu tshia mikoku tshidi tshianza tshiende tshilombola. Lelu, nudi mua kumvua tshidiye wamba anyi?

Ekesode 32:11

Moshe umvua nanku, kutendakenaye Maweja-Nangila Mvidi Mukulu wende, wamba ne: — Bantu aba mbantu bebe, wewe ke uvua mubapatule mu Ejipitu ku bukole buebe. Lekela kubafikila munda nanku,

Yeshaya 64:8

Maweja-Nangila, kutuleji tshiji tshipite bukole. Kuvuluki kashidi ntupakanyi itudi nayi. Tudi tukusengelela ne: vuluka mutudi bonsu bantu bebe.

Yirmeya 23:1

Maweja-Nangila udi wamba ne: “Balombodi ba bantu banyi mbena diakabi. Badi balami babi ba mikoku, badi banyisha bua mikoku yanyi inyane, ipambuke.”

Yirmeya 31:37

Pikala muntu ne bukole bua kupima butumbuke bua diulu, pikalaye ne bukole bua kubuela mu kandondu ka buloba, diba adi, nembenge bena Izrayele bonsu, bua malu mabi avuabu benze. Ke malu adi Maweja-Nangila unumanyisha.

Muadi 5:22

Neutubengelemu kashidi anyi?

Yezekiyele 34:31

“Eyowa, nuenu bantu ba mu tshisamba tshianyi, ndi munulame, bualu ndi Mvidi Mukulu wenu. Meme Maweja-Nangila Mvidi Mukulu ndi njadika nanku.”

Yezekiyele 34:8

meme Maweja-Nangila udi ne muoyi ndi nnuambila ne: bidi bintonda pandi mmona mikoku yanyi mu bianza bia bivi. Bu mudiyi kayiyi ne bayilami, ikadi tshiakudia tshia nyama ya ditu. Bualu balami kabena baditatshisha bua mikoku yanyi to. Pa mutu pa kuyikeba bimpe, badi badivuluka amu bobu nkayabu.

Luke 12:32

— Nudi amu kasumbu kakese. Kadi kanutshinyi nansha! Bualu Tatu wenu mmusue kunupa Bukalenga.

Dielulula 29:20

Maweja-Nangila neamupeteshe diakabi, amumushe munkatshi mua bena Izrayele, bilondeshile manyoka adibu bafunde mu mukanda wa mikenji ya ndondu ewu.