Misambu 73:6 - MUKANDA WA MYIDI MUKULU

⁶ Badi baditemba, bu bantu bela mabue a busanga. Tshinyangu ke tshiabu tshivualu tshidi tshibakumbanyina.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku kudisua kudi bu lukanu ludi lujingila mu nshingu yabo, tshimbambila tshidi tshibabuikila bu tshitalu.

Misambu 73:6 ပူးပေါင်းရင်းမြစ်များ

Genese 41:42

Ke mukalenga kukopola kakanu kende ka bukalenga, kukela Yozefe ku munu. Ku-muvuadikaye ne tshilamba tshinefuke tshia ndanda. Kumuelaye bilengejilu bia mpawungi mu nshingu.

Estere 3:1

Matuku makese mamane kupita, mukalenga Ahashaveroshe kubandisha Amane, muana wa Amedata, wa ku ndelanganyi ya Agaje, muanzu wa mulombodi wa kumpala mu ditunga.

Misambu 109:18

Ikale muntu wa mulawu, mulawu umubuele munda bu mayi, umubuele mu mifuba bu mafuta!

Misambu 109:29

Bua badi bansonguela, lumu luabu lupuke bu kazaku, bafue bundu bu muntu mudibuikile tshilamba!

Nsumuinu 1:9

Yoyi neikupe lumu bu nsala wa kalumbandi muasa ku mutu, nansha bu mabue a busanga adibu bela mu nshingu.

Nsumuinu 3:31

Kubabi bantu babi, kuidikiji mudibu benza.

Nsumuinu 4:17

Bualu tshiabu tshiakudia mbubi. Tshiabu tshiakunua ntshikisu.

Muambi 8:11

Muntu udi wenza malu mabi kabena bamunyoka mpindiewu. Ke padi bantu benza malu mabi misangu yonsu.

Musambu wa Solomo 4:9

Paudi untangila musangu amu umue, muoyi ukadi untuuta bikole munda. Muanetu wa bakaji, mubangila wanyi, meme mutangile nansha kakanu kamue ka tudi tulengeja nshingu webe, tuengelela, kadi kankuata kashidi, kambueja mu nzubu wa lukanu.

Yeshaya 3:19

tukanu tua ku matshi, bikupa bia ku maboku, ne bitambala bia ku mutu;

Yirmeya 48:11

Bituadije ku buana buende, Mowabe kavua ne dikenga nansha. Kabavua banji kuya nende mu bupika. Uvua musombe ku matshi talalaa, mudi maluvu a mvinyo mashale mu mulondu, bisekaseka bimane kupueka panshi. Kabavua banji kupongolola mu mulondu mukuabu. Maluvu awu avua amu ne muenyi wawu.

Yirmeya 48:29

Tuvua bumvue muvua bena Mowabe baditambisha, badisua bikole, bapepeja bantu bakuabu, baleja dikamakama, baditemba, baditeka ku mutu kua bantu bakuabu.

Yezekiyele 16:11

Meme kukuvuadika bilengejilu. Meme kukuela bikanu ku maboku, ne mabue mu nshingu.

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Mika 3:5

Telejayi bidi Maweja-Nangila wamba, bua bambi badi badinga bantu banyi. Udi wamba ne: “Bambi badi bambila bantu ne: ditalala didiku, amu padibu babafuta difutu dia bungi. Kadi muntu udi kayi ubapesha biakudia, badi bamuluisha mvita.

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

Balombodi 8:26

Tukanu tuonsu tua mpawungi tuvua Ngideyone mulombe, tuvua ne bujitu bua kilo bu makumi abidi. Ngideyone kupeta kabidi bilengejilu bikuabu, tukanu tua ku matshi, bilamba bimpe bikunze, bivua bakalenga ba bena Madiyane bavuale, ne nkanu ya mu nshingu, ivuabu balengeja nayi tumelu tuabu.