Misambu 72:3 - MUKANDA WA MYIDI MUKULU

³ Ku bulongolodi buende, bupole bubuele mu ditunga, bubanji bupueke mu mikuna.

Mukanda wa Nzambi Dihungila Dikulukulu ne Dihungila Dihia-dihia 2003

³ Mikuna mile neyivuishile bantu ditalala, mikuna mihi neyibavuishiledi bua buakane buebe.

Misambu 72:3 ပူးပေါင်းရင်းမြစ်များ

Misambu 65:12

Tshidimu tshijima udi utuenzela bimpe. Ku ndekelu kuatshi tudi tumona bia pa madimi. Bintu bimpe bidi bipatuka miaba yonsu iudi diata.

Misambu 72:16

Ntete ya kuenza bukula, ivulangane mu ditunga. Biakudia bitoloke bia bungi mu mikuna, bisampile bu mu mikuna ya Lebanone, biele miepu bungi bu bisosa bia mu mpata!

Yeshaya 45:8

Diulu, lokesha lumuma! Bu mudi mvula upueka mu mavuba, lupandu lufume mulu, lupueka pa buloba. Buloba bunzuluke, buleje lupandu, bupatule malu mimpe. Meme Maweja-Nangila, ndi mfuka bionsu abi.”

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Yeshaya 60:17

Nenkutuadile kuebe tshiamu tshia mpawungi pa mutu pa tshiamu tshikunze, tshiamu tshitoke tshia mushinga mukole pa mutu pa tshia kabanda, tshiamu tshikunze pa mutu pa mabaya, tshiamu tshia kabanda pa mutu pa mabue. Bupole ne buakane ke bamfumu ne bakalenga, bambateka mu ditunga diebe.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.