Misambu 72:1 - MUKANDA WA MYIDI MUKULU

¹ Wa mu mikanda ya Shelomu. Mvidi Mukulu wanyi, upeshe mukalenga meji, akose nsambu pa yoyi bu muudi uyikosa. Upeshe muana wa mukalenga lungenyi, alonde dikasa diebe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Wewe Nzambi, uheshe mukelenge kulumbulula kuebe kuakane, uheshe muana wa mukelenge buakane buebe.

Misambu 72:1 ပူးပေါင်းရင်းမြစ်များ

2 Samuele 23:3

Mvidi Mukulu wa Izrayele kuakula, mulami wa bena Izrayele kungambila ne: “Mukalenga udi ulombola bantu bimpe, uludika bantu, ukumbaja bidi Mvidi Mukulu musue,

1 Bakalenga 1:39

Mutuangaji Sadoke uvua muangate lusengu, luvua mu ntenta wa Maweja-Nangila, luikala ne mafuta a tshijila tente. Kuelaye mafuta awu pa mutu pa Shelomu, bua kumujidila mu bukalenga. Pashishe, kuelabu mpungi. Bantu bonsu bavua muaba awu kuela mbila ne: “Mukalenga Shelomu akuate ku mundundu!”

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

1 Kulondolola 18:14

Davide kushala mukalenga wa bena Izrayele bonsu. Uvua ulongolola malu amu bimpe, kayi ne kansungansunga.

1 Kulondolola 22:9

Kadi neulele muana wa balume. Neikale muntu udi ukeba bupole. Tshiakuanyisha bua baluishi bende badi bamunyungulukila bamutatshishe. Nebamuinyike dina dia Shelomu, — mmumue ne: ‘Bupole’. — Bualu matuku ashalaye mu bukalenga, nempeshe bena Izrayele bupole, kabayi mua kutshina tshintu.

1 Kulondolola 29:19

Upeshe Shelomu muoyi mukole bua kulama meyi, mikenji ne mikandu biebe, wa kubikumbaja, ne wa kuibaka muaba webe wa tshijila unkadi mumane kulongoluela bintu ebi.

2 Kulondolola 1:10

Umpeshe meji ne lungenyi, bua nkumbaje bimpe mudimu wanyi wa kulombola bantu aba. Wewe kuyi muenze nanku, kakuena udi mua kulombola bantu bebe bungi nenku.

Misambu 127:1

Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

Yeshaya 11:2

Mueyelu wa Maweja-Nangila udi nende kashidi. Mueyelu udi umupa meji, umuambuluisha bua asunguluje malu. Neamanye tshia kuenza, neapete bukitu bua kutshikumbaja. Mueyelu neumuludike bua amanye Maweja-Nangila, neumulongeshe bua kumunemeka.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.