Misambu 71:24 - MUKANDA WA MYIDI MUKULU

²⁴ Bu muudi ukumbaja malaya ebe, nenkutumbishe buatshia buila. Bonsu bavua bakeba kumbutula, bundu bubakuate, bupuke lumu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Ludimi luanyi neluambile bantu bua buakane buebe mu kulumbulula dinda tô ne ku dilolo; bualu bua bakadi bakeba kungenzela bibi bakufuishibua bundu, bakutamuka.

Misambu 71:24 ပူးပေါင်းရင်းမြစ်များ

Misambu 35:28

Meme kabidi nemmanyishe bantu muudi ne diyi dimue, nenkutumbishe matuku anyi onsu!

Misambu 37:30

Muntu wa Mvidi Mukulu udi wakula miaku ya meji, umvuija bantu bidi Maweja-Nangila musue.

Misambu 70:3

Badi basue kunshipa, bafue bundu, bapange tshia kuenza. Badi basanka bua dikenga dianyi, lumu lubupuke!

Misambu 71:13

Badi bansonguela, bundu bubakuate, babutuke! Badi bankebela diakabi, ubafuishe bundu, bupuke lumu.

Misambu 71:15

Dituku dijima nengambile bantu muudi ukumbaja biuvua mulaye. Nembalondele muudi utusungidila, utuenzela bilenga kabiyi kubala.

Misambu 71:8

Ndi nkuimbila misambu, nkutumbisha! nkusamuna matuku anyi onsu.

Misambu 92:11

Udi mumpeshe bukole bu bua nyama wa mbowa, udi mungele mafuta mapiamapia pa mutu.

Matayi 12:35

Muntu muimpe udi wenza malu mimpe, bualu munda muende mudi muimpe. Muntu mubi udi wenza malu mabi, bualu munda muende mudi mubi.

1 Korente 15:25

Bualu Kristu udi ne bua kuikala mukalenga too ne padi Mvidi Mukulu utshimuna bena lukuna bonsu, ubateka kuinshi kua makasa ende.

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Dielulula 11:19

Nulongeshe bana benu mikenji eyi, nuyitele diba dionsu, panudi nusomba ku nzubu yenu, nansha panudi nuendakana mu njila, panudi nulala nansha panudi nubika.