Misambu 71:22 - MUKANDA WA MYIDI MUKULU

²² Mvidi Mukulu wanyi, nenkuimbile misambu ne lunzenze. Nenkutumbishe bualu udi muena diyi dimue. Mvidi Mukulu wa tshijila wa Izrayele, nenkusamune ne lunkombe.

Mukanda wa Nzambi Dihungila Dikulukulu ne Dihungila Dihia-dihia 2003

²² Nenkutumbishe kabidi ne lunzenze, nentumbishe lulamatu luebe lua bushuwa, Nzambi wanyi; nenkuimbile misambu ya kukutumbisha nʼai ne lunkombe, wewe wa Tshijila wa Isalele.

Misambu 71:22 ပူးပေါင်းရင်းမြစ်များ

2 Bakalenga 19:22

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua utangila, kuyi ne kanemu, nnganyi? Uvua unsendeka mmeme Mvidi Mukulu, wa tshijila wa Izrayele!

Misambu 138:2

ndi ela panshi mu nzubu webe wa tshijila. Mvidi Mukulu wa kashidi, ndi nkutumbisha bua bulenga buebe ne bulelela buebe, bualu uvua muvuluke dilaya diebe, mutuvua katuyi batekemene.

Misambu 144:9

Mvidi Mukulu wanyi, ndi musue kukuimbila musambu mupiamupia, ndi nkusamuna ne lunzenze lua nshinga dikumi:

Misambu 25:10

Bionsu bidi Maweja-Nangila wenza, bidi bileja mudiye unanga bantu badi balama ndondu wende, bakumbaja mikenji yende.

Misambu 33:2

Tumbishayi Maweja-Nangila ne lunzenze, musamunayi ne tshisanji tshia nshinga dikumi!

Misambu 43:4

Mvidi Mukulu wewe udi disanka dianyi, nensemene ku tshilambuilu tshiebe, nkutumbishe ne lunzenze, bualu wewe ke Mvidi Mukulu wanyi!

Misambu 56:4

Kadi padi bowa bunkuata, ndi ntekemena kuudi.

Misambu 78:41

Kutuadijabu tshiakabidi kuteta Mvidi Mukulu. Kutombokelabu Mvidi Mukulu wa Tshijila wa Izrayele.

Misambu 89:1

Kasala ka kudi Etane, muena muabu.

Misambu 89:18

Wewe ke udi bukole buabu butambe bunene, udi ujula mpala yetu mulu ku diambuluisha diebe.

Misambu 98:3

Uvua muvuluke malu ende makane, ne bulelela buende kudi bena Izrayele. Bantu bonsu too ne ku ndekelu kua buloba, badi bamona Mvidi Mukulu wetu uvua mutusungidile.

Misambu 98:4

Nuenu bantu ba pa buloba bujima, elelayi Maweja-Nangila tunkunduluila, nuele mbila ya disanka, numuimbile misambu.

Misambu 98:5

Tumbishayi Maweja-Nangila ne lunkombe ne biombelu,

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 43:3

Bualu meme Maweja-Nangila, ndi Mvidi Mukulu webe. Meme ndi Wa tshijila wa bena Izrayele. Ndi mukusungididi webe. “Ndi mfila Ejipitu, bu biuma bua kukupikula; mfila Kushe ne Seba, bua kubashintakaja nebe.

Yeshaya 5:16

Maweja-Nangila muena bukole buonsu nealeje bukole buende. Nealongolole bionsu amu bimpe. Mvidi Mukulu wa tshijila nealeje tshijila tshiende, padiye ukosa nsambu pa yoyi.

Yeshaya 5:19

Bantu aba badi bamba ne: “Maweja-Nangila enze lukasa tshionsu tshidiye musue kuenza. Tudi basue kutshimona. Mvidi Mukulu wa tshijila wa bena Izrayele enze tshionsu tshidiye muelele meji, tudi basue kutshimanya!”

Yeshaya 5:24

Nenku bantu aba nebabutuke, mudi kapia kuosha bisosa, mudi ndimi ya kapia ilakuka ku bisuku. Nebabutuke bonsu mudi miji ibola, mudi bilongu biuma, bipona panshi. Bualu bavua badiwule dilongesha, dia Maweja-Nangila muena bukole buonsu, babenge diyi dia Mvidi Mukulu wa tshijila wa bena Izrayele.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Yeshaya 60:9

Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Mika 7:20

Neuleje ndelanganyi ya Abrahame ne ya Yakobe, dinanga diebe didi kadiyi dijika, bu muuvua mulaye bankambua betu ku kale.

Rome 15:8

Bualu ndi nnujadikila ne: Kristu mmudienze muena mudimu wa bena Yuda, bua kukumbaja malaya avua Mvidi Mukulu muambile bankambua babu, kabidi bua kuleja nanku mudi Mvidi Mukulu wa diyi dimue.