Misambu 71:20 - MUKANDA WA MYIDI MUKULU

²⁰ Udi mummueneshe mabika ne mala. Kadi neumfululule, ungepule ku lukita.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Wewe wakundesha makenga makole a bungi neunsangashe kabidi, neumpatule kabidi mu ndondo wa mu buloba.

Misambu 71:20 ပူးပေါင်းရင်းမြစ်များ

2 Samuele 12:11

Teleja bimpe tshindi nkuambila: Meme nensake bana ba mu nzubu muebe bua kukukengeshabu. Nengangate bakaji bebe, mbafile kudi muanenu bua kubabuelelaye mu nzubu mu munya, wewe mutangile.

Misambu 119:25

Ke meme ewu panshi mu lupuishi; umfululule bu muuvua mulaye.

Misambu 138:7

Pandi meme nsomba mu dikenga, neundame ne muoyi nansha mudi baluishi banyi bamfikila munda, neolole tshianza tshiebe tshia bukole tshimpandishe.

Misambu 16:10

Kuakunshiya mu kandondu ka bafue. Kuakuanyisha bua mbolele mu lukita.

Misambu 60:3

Mvidi Mukulu wanyi, wewe uvua mutunyemeshe, munyangakaje mualu wetu wa mvita. Bushuwa uvua mufike munda. Kadi mpindiewu utupingajile bukole buetu!

Misambu 60:5

Uvua mumueneshe tshisamba tshiebe mabika ne mala, mutunuishe dikopu dia tshiji, tuenda tutetuka.

Misambu 80:18

Tshianza tshiebe tshishale pa mutu pa mukalenga, udi usomba ku tshianza tshiebe tshia balume, pa mutu pa muntu ewu uuvua mukoleshe.

Misambu 85:6

Neutukuatshile tshiji matuku onsu anyi? Neufikile ndelanganyi yonsu munda anyi?

Misambu 86:13

Buimpe buebe buudi mundeje budi bunene, udi mumpatule mu dijimba dia lufu.

Misambu 95:4

Udi mulongolole tundondu tua mu buloba, ne mikuna minene mile idi yende.

Yeshaya 26:19

Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Yeshaya 38:17

Eyowa, kanyinganyinga nkandamuke diakalenga. Udi munnange bushiwa, mungumushile lufu. Wewe kuangata bilema bianyi bionsu, kubiela panyima kule kutambe.

Yona 2:6

Mayi avua mankuate mu nshingu. Mavuala a muinshi mua mayi avua mangele munkatshi. Milembuelembue ivua munjingile ku mutu.

Marke 15:34

Diba dia isatu, Yezu kuela lubila lukole ne: — Eloyi, Eloyi, lama sabaktanyi? (mmomumue ne: “Mvidi Mukulu wanyi, Mvidi Mukulu wanyi, udi mundekele bua tshinyi?”)

Bienzedi 2:24

Kadi Mvidi Mukulu mmumubishe ku lufu, mumumbushe ku makenga a lufu, bualu kavua mua kushala ku bumfumu bua lufu.

Efeze 4:9

Padibu bamba ne: “mmubande mulu,” mbuena kuamba ne: uvua muanji kupueka mu kandondu.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

1 Samuele 2:6

Maweja-Nangila udi ushipa, ufululula kabidi. Udi ufikisha muntu muaba wa bafue, anyi umumushamu.