Misambu 7:6 - MUKANDA WA MYIDI MUKULU

⁶ nanku muluishi andondakaje, ankuate, antue miseba, andiatakaje pantshidi ne muoyi. Bualu nkadi muena tshibawu tshia lufu!

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa, ujuke biebe mu tshiji tshiebe, udibisbe bua kutamba tshiji tshia bena lukuna banyi bukole, utabale bua bualu buanyi mu kulumbulula kuwakusungula.

Misambu 7:6 ပူးပေါင်းရင်းမြစ်များ

2 Samuele 17:14

Absalome ne bena Izrayele kuamba ne: — Lungenyi lua Ushayi nduimpe lupite lua Akitofele! Maweja-Nangila ke uvua muenze bua babenge lungenyi lua Akitofele luvua luimpe. Bualu Maweja-Nangila uvua musue kukengesha Absalome.

Misambu 103:6

Maweja-Nangila udi ukosa nsambu pa yoyi, udi ulumbuluila bantu badibu bakengesha.

Misambu 12:5

“Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

Misambu 138:7

Pandi meme nsomba mu dikenga, neundame ne muoyi nansha mudi baluishi banyi bamfikila munda, neolole tshianza tshiebe tshia bukole tshimpandishe.

Misambu 143:3

Muluishi wanyi udi unkengesha; udi munshinda panshi bua kundiata, udi umbueja mu miidima ya bafue, muvua bantu bamane kufua kale.

Misambu 3:7

Nansha bantu binunu ne binunu banyungulula nseke yonsu, kabena mua kunkuatshisha bowa.

Misambu 35:1

Musambu wa mu mukanda wa misambu ya Davide. Maweja-Nangila, luangana ne bankinyi banyi, uluishe badi bangenza mvita.

Misambu 35:23

Mvidi Mukulu wanyi, juka, undumbuluile! Maweja-Nangila, tabuluka, unsungidile!

Misambu 44:23

Matuku onsu badi bakeba kutushipa, bualu tudi bantu bebe. Badi batutangila bu bana ba mikoku ba kuya kushipa.

Misambu 44:26

Bavua batubonde mu lupuishi, tuetu batue difu panshi.

Misambu 59:5

Badi bafike lubilu bua kunduisha, nansha meme tshiyi muenze bibi. Maweja-Nangila, tabuluka vuakunu, tangila bidibu bangenzela.

Misambu 73:20

Maweja-Nangila, wewe mujuke bua kubaluisha, nebajimine, bu mudi ndota ijimina muntu, padiye utabala.

Misambu 74:3

Ubande mu makolu: baluishi mbanyange nzubu webe mujima wa tshijila.

Misambu 78:65

Pashishe Maweja-Nangila kutabala, bu mudi muntu mujuke ku tulu, bu mudi muena mvita wa bukitu, mutenduke maluvu.

Yeshaya 3:13

Maweja-Nangila mmujuke bua kukosa nsambu. Udi muimane kulu bua kulumbuluisha tshisamba tshiende.

Yeshaya 33:10

Maweja-Nangila udi wamba ne: “Mpindiewu nenjuke, lelu, ndi ngenza bualu. Nendeje bukole bundi nabu.

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?