Misambu 69:8 - MUKANDA WA MYIDI MUKULU

⁸ Badi bampenda, bangela bibingu, bualu ndi muntu webe!

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nakulua muenyi kudi bana betu, ne mulungidi kudi bana ba mamu wanyi.

Misambu 69:8 ပူးပေါင်းရင်းမြစ်များ

Misambu 31:11

Ntatu idi ikepesha matuku anyi a panu, bidimu bienda bipita, meme ndi ntua amu mikemu. Mibi yanyi mminyange bukole buanyi. Nansha mifuba yanyi idi isheleleka.

Misambu 38:11

Muoyi udi ungomba munda. Bukole mbunjimine. Mesu anyi akadi bibuidibuidi.

Misambu 89:51

Maweja-Nangila, uvuluke bipendu, bidi bantu ba bungi bampenda, meme muena mudimu webe. Uvuluke mundi ngangata mu mubidi wanyi bipendu biabu.

Misambu 89:52

Maweja-Nangila, baluishi bebe badi bapenda, badi bapenda mukalenga uudi mujidile, bulelela badi bamupenda padiye upita.

Yeshaya 50:6

Ndi ntuma nyima wanyi kudi bantu badi bantuuta. Ndi ndeja mbanga yanyi kudi bantu badi bantula muedi. Tshiena mbuikila mpala wanyi, padibu bantuila mate, bampenda.

Yeshaya 53:3

Bavua bamudiombola kudi bantu. Bavua bamubenga, bualu mmuntu mudine mu makenga. Tuvua bamupetule. Katuvua bamuangate ne mushinga to. Uvua bu muntu uvuabu kabayi mua kutangila.

Yeshaya 53:4

Kadi yeye ke uvua muangate pambidi pende makenga avua ne bua kutukuata tuetu. Uvua musame pamutu petu. Kadi tuetu tuvua bele meji ne: Mvidi Mukulu mmumunyoke, mmumutape mputa, mmumukengeshe.

Yirmeya 15:15

Kadi wewe, Maweja-Nangila, udi mumanye bimpe malu anyi onsu. Umvuluke, ungambuluishe. Unsombuele kudi baluishi banyi, Wewe mulame lutulu kuyi ubanyoka lukasa, nebanshipe. Umanye ne: bipendu ebi ndi mbilengulula anu bualu buebe.

Matayi 26:56

Kadi bionsu abi mbienzeke bua kukumbaja miaku ya bambi idibu bafunde mu Mikanda ya tshijila. Ke balongi bende bonsu kumushiya, kunyema.

Yowanane 1:11

Muaku kufika mu ditunga diawu. Kadi bana bawu nanshabu kuwakidila.

Yowanane 7:5

(Bana babu mene kabavua bamuitaba to).

1 Samuele 17:28

Kadi, Eliyabe muanabute, mukulu wa Davide, kumvua muvua Davide wakula ne bena mvita, kufikaye munda, ukonka Davide ne: — Udi mufike kuneku bua tshinyi? Mikoku yebe ayi udi mushile nganyi mu thipela? Ndi mukumanye bimpe. Udi kana ka tshianana, kena lutambishi. Uvua mufike kuneku amu bua kumona mvita!