Misambu 68:6 - MUKANDA WA MYIDI MUKULU

⁶ Mvidi Mukulu udi usomba mu nzubu wende wa tshijila. Udi Tatu wa bana ba nshiya, ulumbuluila bakamba.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nzambi udi uhesha bantu bashiya hatuhu nsubu bua bobo bashikamemu, udi uluhula bena lukanu, udi ubaha diakalengele; kadi badi bamutombokela badi bashikame mu buloba bûme budi munya wosha.

Misambu 68:6 ပူးပေါင်းရင်းမြစ်များ

Misambu 10:14

Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Misambu 107:10

Bakuabu bavua mu dikenga, babasuika nkanu, basombe mu nzubu wa lukanu wa miidima.

Misambu 107:14

Kubapatulaye mu nzubu wa lukanu wa miidima, kutshibula nkanu yabu.

Misambu 107:34

buloba bua bufuke buenza bua lusenga, pikala badi basombapu benza malu mabi.

Misambu 113:9

Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!

Misambu 146:7

Udi ulumbuluila bantu badibu bakengesha, upesha badi ne nzala tshiakudia, usulula badi mu nkanu.

Misambu 69:33

Bantu bapuekele nebamone bionsu ebi, nebasanke. “Nuenu bonsu badi bakeba Mvidi Mukulu, nulale panu nuboboke.

Nsumuinu 23:11

Bualu badi ne mubalumbuluidi wa bukole buonsu, ke Mvidi Mukulu. Neabasombuele kuudi.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Malaki 1:3

mudiwule Esawu. Mvua munyange buloba bua mikuna budibu basombe kudi bena Edome, ndelanganyi ya Esawu. Mvua mufile ditunga diabu kudi mibuabua ya mu tshipela.

Bienzedi 16:26

Diakamue tshikumina tshikole kuenzeka, kunyukisha nzubu wa lukanu too ne ku tshitaku tshiende. Bu mpindiewu, biibi bionsu bia nzubu wa lukanu kunzuluka, nkanu ya bena lukanu bonsu kufuka.

Ngalate 4:27

Bualu Mikanda ya tshijila idi yamba ne: “Sankaku, wewe mukaji udi kuyi ne bana! Ela mbila ya disanka, wewe udi kuyi mumvue dikenga dia pa kulela! Bualu mukaji muabu babenge, neikale ne bana bavule, bapite ba mukaji udi bayende munange.”

Dielulula 10:18

Maweja-Nangila udi wakuila bakaji bakamba ne bana ba nshiya. Udi unanga bantu benyi badi munkatshi muenu, ubapesha bilamba ne biakudia.

1 Samuele 2:5

Bavua badia bukuta, badi bakeba mudimu bua kupeta biakudia. Kadi bavua ne nzala, kabena ne bua kukuata mudimu kabidi to. Mukaji wa nkumba udi ulela, bana muanda mutekete, kadi mukaji uvua ne bana ba bungi, udi ushala nkumba.