Misambu 68:29 - MUKANDA WA MYIDI MUKULU

²⁹ Mvidi Mukulu wanyi, leja bukole buebe. buuvua mutuenzele nabu malu a dikema!

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Bualu bua ntempelo webe wa mu Yelushalema bakelenge nebalue ne maha abo kûdi.

Misambu 68:29 ပူးပေါင်းရင်းမြစ်များ

1 Bakalenga 10:10

Pashishe mukalenga mukaji wa Saba, kupesha mukalenga Shelomu tshiamu tshia mpawungi kilo binunu bisatu ne nkama itanu. Kumupeshaye kabidi manananshi a bungi, ne mabue a mushinga mukole. Biangatshile ku dituku adi, kabena banji kufika ne manananshi bungi ebu mu ditunga dia bena Izrayele to.

1 Kulondolola 29:3

Kadi bua biuma bimvua meme nabi, mpawungi ne tshiamu tshitoke tshia mushinga mukole, ndi mbifila bua nzubu wa Mvidi Mukulu wanyi. Ndi mbisakidila ku bionsu bimvua mumane kulongolola bua muaba wa tshijila ewu, undi mupite kunanga.

2 Kulondolola 32:23

Bantu ba bungi kutuadila Maweja-Nangila milambu mu Yerushalayime. Kutuadilabu kabidi Izkiya mukalenga wa bena Yuda bintu bia kumusankisha nabi. Biangatshile musangu awu, kunemekabu mukalenga Izkiya kudi bena matunga onsu, bavuaye nabu mutumba.

2 Kulondolola 32:33

Izkiya mumane kufua, kumujikabu mu tshitupa tshia kulu tshia nkita ya ndelanganyi ya Davide. Diba dia madilu ende adi, bena Yerushalayime ne bena Yuda bakuabu bonsu bavua batumbisha lumu luende. Muanende wa balume Menashe, kumupingana mu bukalenga.

Nehemya 2:8

Umpeshe mukanda mukuabu wa meme kupesha Ashafe, mulami wa metu a mukalenga, bua kumpeshaye mabaya makumbane a meme kuenza nawu biibi bianzubu wa balami ba nzubu wa Mvidi Mukulu, kuenza nawu kabidi bimana bia ku tshimenga, ne kuasa nawu nzubu wa meme kusomba. Mukalenga wa bakalenga kumpesha mikanda ayi, bualu Mvidi Mukulu wanyi uvua mungambuluishe.

Misambu 45:12

Mukalenga udi ukujinga bua mpala webe. Yeye ke mfumu webe mpindiewu, umutumikile!

Misambu 76:11

Nansha tshiji tshia bantu netshikutumbishe, ne bonsu bikale bapambuke ku tshiji tshiebe, nebakuenzele tshibilu.

Yeshaya 18:7

Ke tshikondu tshidibu batuadila Maweja-Nangila wa bukole buonsu milambu kudi bantu aba bale ba kafyondu, badi mibidi yengelela, kudi tshisamba tshidi bantu bakakala, kunu too ne ku ndekelu kua buloba, kudi ditunga didi ne bukole bupite, didi dibutula baluishi badi, kudi ditunga didi ne misulu mivule. Milambu eyi, nebayituadile Maweja-Nangila wa bukole buonsu, muaba udiye musombele, pa mukuna wa Siyone.