Misambu 68:17 - MUKANDA WA MYIDI MUKULU

¹⁷ Kadi wewe mukuna udi ne nsongu mivule, udi ubaba mukuna udi Mvidi Mukulu musue kusomba, mukuna udi Maweja-Nangila muase, bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Makalu a nvita a Nzambi adi binunu makumi abidi, adi binunu ha mutu ha binunu mene. Mukelenge udi munkatshi muau; ku Sinai udi mu muaba wandi wa tshijila.

Misambu 68:17 ပူးပေါင်းရင်းမြစ်များ

2 Bakalenga 2:11

Patshivuabu benda bayukila, kumonabu ditempu diela ndimi ya kapia. Nyama ya tubalu ivua ikoka ditempu adi, ivua yela kabidi ndimi ya kapia. Nanku, ditempu adi ne nyama ya tubalu, kupita pankatshi pa Eliya ne Elisha bua kubapandulula. Diakamue, tshipepela tshia mvunde kuambula Eliya mulu.

Misambu 18:10

Maweja-Nangila kunzulula diulu, kupueka pa mavuba mafiike,

Misambu 9:12

Tumbishayi Maweja-Nangila ne misambu. Nkuasa wende udi pa mukuna wa Siyone. Numanyishe bukua bisamba bidiye muenze.

Ekesode 3:5

Mvidi Mukulu kumuambila ne: — Kusemenyi pabuipi to. Kopola bisabata biebe, bualu udi muimane muaba wa tshijila.

Yeshaya 2:2

Dituku dikuabu mukuna udibu base nzubu wa Mvidi Mukulu, neupite mikuna yonsu, neuyipite ku bule. Bisamba bionsu nebiutantshile, bibodiokamu.

Yezekiyele 43:7

Maweja-Nangila kungambila ne: — Muntu, tangila muaba ewu. Ke muaba udi nkuasa wanyi wa bumfumu. Ke muaba undi ndiata makasa anyi. Nenshale muaba ewu munkatshi mua bena Izrayele kashidi. Bena Izrayele, nansha bakalenga babu, kabena mua kupepeja kabidi dina dianyi dia tshijila, ne buenzavi buabu, padibu bajika munemu bitalu bia bakalenga babu.

Yezekiyele 43:9

Mpindiewu bena Izrayele mbalekele kuenza malu mabi ku mesu anyi. Nebumushe bitalu bia bakalenga babu muaba undi. Nanku nensombe munkatshi muabu kashidi.

Danyele 7:10

Musulu wa kapia kupatuka, kupueka kumpala kuende. Bantu bitotu, makumi a bitotu, kuimana kumpala kuende, bua kumuenzela mudimu. Pashishe bena tshilumbuluilu kusomba bua kulumbuluisha. Kubululabu mikanda.

Abakuke 3:8

Maweja-Nangila, uudi mufikile munda nnganyi? Ke misulu iudi mutekele tshiji anyi? Ke mayi manene audi mufikile munda anyi? Udi ubanda pa mavuba, bu pa ditempu, didi nyama ya tubalu ikoka, bua uye kutshimuna baluishi.

Matayi 26:53

Kuena mumanye ne: ndi mua kubila Tatu wanyi, Yeye kuntumina amu mpindiewu batumibue bende bapite pa bisumbu dikumi ne bibidi bua kungambuluisha.

Dielulula 33:2

Maweja-Nangila mmufume ku mukuna wa Sinayi, mmujuke mu ditunga dia Seyire, bu diba, mmubande pa mukuna wa Parane, bua kuleja bantu butumbi buende. Batumibue binunu badi benda nende. Mmufike kudi bena diende, mukuate ku bianza mikenji idi ikenka bu kapia.

Didimanyisha 5:11

Meme kutangila tshiakabidi, kumvua meyi a batumibue bavule, binunu ne bitotu. Bavua banyungulukile nkuasa wa butumbi, Bia muoyi ne bakulu.

Didimanyisha 9:16

Kummanyishabu bungi bua basolayi bavua babanda pa tubalu: bavua bitotu nkama ibidi.