Misambu 68:13 - MUKANDA WA MYIDI MUKULU

¹³ “Tuatshimunyi! Bakalenga ba baluishi betu mbanyeme lubilu! Tuetu bakaji bavua bashala ku nzubu, netuabanyangane bidi babayetu bapawula mu mvita.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nenulale munkatshi mua mpangu ya mikoko, bu mahuahua a nyunyu wa nkutshi adi mabuikidibue ne tshiamu tshia argent, ne masala andi mabuikidibue ne or mukunze.

Misambu 68:13 ပူးပေါင်းရင်းမြစ်များ

Genese 49:14

Isakare udi bu nyama wa bukole bua bungi, mulale tshisaka ku luseke, tshisaka ku lukuabu.

2 Bakalenga 7:16

Diakamue bena Samariya kuya kupawula bintu mu mitanda ivua bena Siriya balekela. Nanku bu muvua Maweja-Nangila mumane kuamba, bantu kusumbishangana kilo ya bukula dikumi ne ibidi, nansha kilo ya orje makumi abidi ne inayi, anu ku lukanu lumue lua tshiamu tshitoke tshia mushinga mukole.

Misambu 105:37

Kupatulaye bantu bende ne biamu bitoke bia mushinga mukole, ne biamu bia mpawungi, kakuvua muntu wa ku bisamba biabu nansha umue uvua ne dikasa dibi.

Misambu 149:4

Bualu Maweja-Nangila udi ne disanka bua tshisa tshiende, udi utumbisha bapuekele, ubapandisha.

Misambu 74:19

Kutupu muoyi tuetu bapele bebe, tunkudimba tuebe, kutueledi nyama ya lonji.

Misambu 81:6

mukenji uvuaye muelele Yozefe, pavuaye uluisha bena Ejipitu. — Meme kumvua diyi, dindi tshiyi mumanye, dingambila ne:

Ekesode 1:14

Bena Izrayele kusopa buloba kuenza madiotu, kudimina bena Ejipitu madimi. Mu tshikosu, bena Ejipitu kubenzeja midimu ya mishindu yonsu ne tshikisu.

Yeshaya 33:23

Mbamane kusulula mionji ya matu a baluishi. Kayena ishindika kabidi mutshi, kabena babandisha kabidi nayi dibendele dia buatu. Dituku adi, nebabanyangane bintu bituvua banyenge mu mvita. Nansha balema mene, nebaye kupawula bintu bia baluishi.

Dibadika 31:27

Wabanya bintu abi mu bitupa bibidi bia mushindu umue: etshi bangate kudi bena mvita bavua mu mvita, tshikuabu bangate kudi bena Izrayele bavua kabayi mu mvita.

Luke 15:16

Nsongalume uvua ujinga kudia bimuma bia mutshi bivua ngulube idia. Kadi muntu kavua umupeshabi to.

Luke 15:22

Kadi tatu kuambila bena mudimu bende ne: “Ambulujayi, tualayi tshilamba tshimpe; numuvuadiketshi. Numuele kakanu ku munu. Numutuadile bisabata, numuelebi.

1 Korente 12:2

Nudi bamanye ne: diba dinuvua kanuyi banji kuitaba Mvidi Mukulu, bavua banusaka, bua nutendelele mvidie ya patupu, kanuyi mua kutua nkanana.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Yoshua 10:16

Bakalenga abu batanu ba bena Amore kunyema, kuya kusokoma mu lubinga lua Makeda.

Balombodi 5:16

Bua tshinyi nudi bashale pabuipi ne mpangu, bua kuteleja mudi balami babikila bimuna biabu? Eyowa, bena meku a Rubene kuelangana mpata kashidi.

Balombodi 5:19

Bakalenga baluishi, bakalenga ba bena Kenaane, kutuadija kuluisha Tanake, pabuipi ne mpokolu ya mu Megido. Kadi, kabena bapeta tshintu, nansha nkanu mitoke ya mushinga mukole.