Misambu 68:11 - MUKANDA WA MYIDI MUKULU

¹¹ Ke muaba uvua bantu bebe baya kusomba, muaba uuvua mulongoluele bapele, bualu uvua ubananga.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mukelenge udi wamba dî diandi, bakashi badi bambila bantu lumu elu badi tshisumbu tshinene, bamba ne,

Misambu 68:11 ပူးပေါင်းရင်းမြစ်များ

Misambu 40:3

Kumpatulaye mu dijimba dia lufu, mu bitotshi bia lunteke. Kungimanyikaye makasa madiata pa lubuebue, unkolesha mu mikolu.

Misambu 68:25

Mvidi Mukulu, tuetu kumona bantu bebe batue milongu, benda luendu lua mazengu mu nzubu webe wa tshijila. Eyi! Mvidi Mukulu wanyi, Mukalenga wanyi!

Ekesode 14:15

Maweja-Nangila kuambila Moshe ne: — Lekela kungela mbila bua imuambuluishe. Ambila amu bantu ne: nutungunuke ne luendu.

Ekesode 15:20

Diba adi muambi mukaji Miriyame, muanabu ne Arone, kuangata ngoma wende mukese. Bamamu bonsu ba bena Izrayele kumulonda, kuimba ngoma, kuja ne maja.

Efeze 4:11

Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

Didimanyisha 19:13

Uvua muvuale muntumpu mutua mu mashi. Dina diende didi ne: “Muaku wa Mvidi Mukulu.”

Balombodi 4:6

Dituku dikuabu, Debora kubikidisha Barake, muana wa Abinoyame, uvua usomba mu Kadeshe mu buloba bua Naftali. Debora kuambila Barake ne: — Teleja tshidi Maweja-Nangila Mvidi Mukulu wa bena Izrayele ukuambila bua kuenza: “Uye kusungula bantu balume binunu dikumi ku tshisamba tshia Naftali, ne tshia Zebulone. Uye nabu pa mukuna wa. Tabore.

1 Samuele 18:6

Pavua bena mvita bafuma ku mvita, Davide mumane kushipa Ngoliyate muena Peleshete, ke bakaji ba mu bimenga bionsu bia bena Izrayele kufika bua kuakidila mukalenga Shawule. Bavua bimba misambu, baja maja, balonda dikasa dia ngoma ne bisanji, bela mbila ya disanka.