Misambu 66:10 - MUKANDA WA MYIDI MUKULU

¹⁰ Mvidi Mukulu wetu, udi mututete, mutulengeje, mudibu bengulula tshiamu tshia mushinga mukole mu kapia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua wewe Nzambi wakatuteta; wakatuteta bu mudibo bateta tshiamu tshia argent mu tshikutu tshia kahia.

Misambu 66:10 ပူးပေါင်းရင်းမြစ်များ

Yobe 23:10

Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Misambu 17:3

Butuku udi unkenketa, unjooja, unteta, kuyi unsangana ne bualu. Bindi ngela meji ke bindi ngamba.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Nsumuinu 25:4

Padibu bumusha bikanganya ku tshiamu tshitoke tshia mushinga mukole, nsenda udi upeta tshiamu tshimpe tshia kuenza natshi tshintu tshimpe tshitambe.

Yeshaya 48:10

Mvua mukutete. Tshiena mukutete mu kapia, bu mudibu bateta tshiamu tshitoke tshia mushinga mukole. Kadi mvua mukupitshishe mu makenga.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Malaki 3:3

Neasombe panshi, bu mudi muntu udi wengulula, ulengeja tshiamu. Neumbushe mikiya yonsu ya batuangaji ba mu ndelanganyi ya Levi, pashishe bobu nebalambule milambu yabu kudi Maweja-Nangila. Neabatokeshe bu mudibu batokesha tshiamu tshia mpawungi, ne tshiamu tshitoke tshia mushinga mukole. Diba adi, batuangaji nebafile milambu yabu kudi Maweja-Nangila, mushindu udi mikenji yamba.

Dielulula 13:3

tshishima atshi tshienzeka bu muvuaye munuambile, muntu awu unuambila bua kutendelela mvidie inudi kanuyi bamanye, kuyenzela mudimu,

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.