Misambu 65:4 - MUKANDA WA MYIDI MUKULU

⁴ nansha bobu benza bibi bipite. Bubi buetu budi butunemenena bujitu. Amu wewe ke udi mua kubujimija.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Disanka didi kudi muntu udi usungula ne ûdi ufikisha hehi nʼebe, bua ashikame mu biendelu bia tshitendelelu tshiebe! Tuetu netuikale ne mitshima mitalale bua buimpe bua nsubu webe, ntempelo webe wa tshijila.

Misambu 65:4 ပူးပေါင်းရင်းမြစ်များ

2 Kulondolola 6:39

nanku, wewe Maweja-Nangila udi musombe mu diulu, wikale muteleje. Umvua mudibu bakulomba, bakusengelela. Nanku ubambuluishe. Ubafuile luse bua malu mabi onsu adibu bakuenzele.

Misambu 135:4

Maweja-Nangila mmusungule Yakobe, musungule Izrayele bua ikale tshintu tshiende.

Misambu 15:1

Musambu wa mu mukanda wa misambu ya Davide. — Maweja-Nangila, wabuela mu nzubu muebe, wasomba pa mukuna webe wa tshijila nnganyi?

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Misambu 23:6

Eyowa, matuku onsu antshidi ne muoyi, bulenga buebe ne luse nebikale nanyi. Maweja-Nangila, matuku anyi onsu a panu, nembuele amu mu nzubu muebe.

Misambu 24:7

Biibi, unzulukayi, shiyayi muaba munene! Kangulayi ne biibi bia kale! Mukalenga munene ukadi ufika!

Misambu 33:12

Bantu badi Maweja-Nangila muikale Mvidi Mukulu wabu, bantu badiye mudisunguile mbena diakalenga!

Misambu 36:8

Mvidi Mukulu wanyi, wewe udi utunanga bikole; ke patudi tusokomena mu mapuapua ebe.

Misambu 38:5

Bilema bianyi mbipite tshipimu, bingenza bujitu budi bumpita dikanda.

Misambu 4:3

Nuenu aba nenunyange lumu luanyi too ne ku diba kaayi? Nudi nunanga kunshiminyina malu patupu. Nudi nukeba kunjana bua tshinyi?

Misambu 63:5

nkuela tuasakidila matuku onsu andi ne muoyi. Nengele bianza mulu bua kukusamuna.

Misambu 84:4

Nansha mushamusha mmupete muaba wa kuikishila, ne kandindi nkapete disua bua kuteka bana baku, pabuipi ne bilambuilu biebe wewe Maweja-Nangila, wa bukole bonsu, mukalenga wanyi ne Mvidi Mukulu wanyi.

Yirmeya 31:25

Bualu badi bapungila ne nyota, nembapeshe mayi a kunua, badi batekete ne nzala, nembadishe.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Efeze 1:4

Mvidi Mukulu ukavua mutunange, kayi muanji kufuka buloba. Ukavua mutusungule bua tuikale bende mu Kristu, tuikale ba tshijila, katuyi ne kalema kumpala kuende. Bu muvua Mvidi Mukulu mutunange,

2 Tesalonike 2:13

Bana hetu, tudi ne bua kuela Mvidi Mukulu tuasakidila, katuyi tupungila, bualu buenu nuenu, badi Mfumu munange. Bualu Mvidi Mukulu mmunusungule, bua nuikale ba kumpala, badi Mueyelu wa Tshijila usungidila. Bualu Mueyelu udi unuenza bantu ba Mvidi Mukulu. Nuenu kabidi nudi nuitaba bulelela.

Didimanyisha 3:12

Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.