Misambu 65:3 - MUKANDA WA MYIDI MUKULU

³ Bualu udi uteleja bantu badi bakutendelela. Ke padibu bonsu bafika kuudi,

Mukanda wa Nzambi Dihungila Dikulukulu ne Dihungila Dihia-dihia 2003

³ Malu a dihambuka dianyi adi antamba bukole; wewe udi umbuikidila matomboka etu.

Misambu 65:3 ပူးပေါင်းရင်းမြစ်များ

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

2 Bakalenga 19:20

Ke muambi Yeshaya, muana wa Amosa, kutuma muntu bua kuambila Izkiya ne: “Maweja-Nangila Mvidi Mukulu wabena Izrayele udi wamba ne: Ndi mumvue dilomba diebe bua Senakeribe, mukalenga wa bena Ashure.

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

Misambu 38:4

Mubidi mmuntukakane onsu mujima, bualu udi munnyoke ne tshiji. Mifuba yanyi mmikoyoboke, bualu mvua muenze bibi.

Misambu 40:12

Maweja-Nangila kuakubenga kumfuila luse to. Bu muudi munnange, ukumbaje kabidi malaya ebe, neumpandishe misangu yonsu.

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Misambu 79:9

Mvidi Mukulu musungidi wetu, luaku utuambuluishe, bualu lumu luebe mbalunyange, utupandishe, utufuile luse, bualu butumbi buebe ke budibu bapepeja.

Yeshaya 6:7

Kudintuaye ku mishiku, wamba ne: “Tshibawu tshiebe tshiakujika, bubi buebe buakujimina, bualu kapia kakulenga ku mishiku yebe.”

Yeshaya 66:23

Maweja-Nangila udi wamba ne: Nenku ku ngondu ku ngondu, dituku dia Dikisha dionsu, bantu ba pa buloba bujima nebafike bua kuntendelela.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Ngalate 5:17

Majinga mabi adi abengangana ne bidi Mueyelu musue. Mueyelu udi ujinga bidi muoyi wetu mubi ubenga. Mueyelu ne majinga mabi bidi biluishangana. Ke munudi kanuyi mua kukumbaja bilenga binudi nujinga.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.