Misambu 64:3 - MUKANDA WA MYIDI MUKULU

³ Bantu babi mbadisange bua kunduisha, mbangelele bifufu bibi.

Mukanda wa Nzambi Dihungila Dikulukulu ne Dihungila Dihia-dihia 2003

³ Badi basakisha ndimi yabo bua kuikalabu bu miele ya nvita, badi baludikila mei a bululu bu mikete,

Misambu 64:3 ပူးပေါင်းရင်းမြစ်များ

Misambu 11:2

— Kadi mona, bantu babi badi banana buta buabu, badi baludikila amu mikete mu miidima bua kushipa bantu badi kabayi ne bualu.

Misambu 141:9

Umpandishe ku mateyi adibu banteya, kudi bantu aba benji ba bibi.

Misambu 57:4

Neantumine diambuluisha dia mulu. Neatatakaje udi undondakaja. Mvidi Mukulu udi pabuipi nanyi, bualu udi unnanga, ukumbaja malaya ende.

Misambu 58:7

Mvidi Mukulu wanyi, ubapole menu. Maweja-Nangila, zaza bibanga bia ntambue ayi.

Nsumuinu 12:18

Muena biakulakula udi utapa mputa minene bu ya muele wa mvita. Kadi ludimi lua bantu ba meji ludi bondapa.

Nsumuinu 30:14

Kudi bantu badi ne menu bu miele ya kuluangana nayi mvita, badi ne binyanganyanga bitue bu tuele. Badi bavuambula bakengi ba mu ditunga, bumusha bapele munkatshi mua bantu bakuabu.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yirmeya 9:3

Nanku, muntu yonsu adimukile bantu bakuabu! Kanuena mua kutekemena nansha muanenu to. Bualu udi anu unudinga bu muvua Yakobe muenze. Balunda benu kabidi nebanujane.