Misambu 62:9 - MUKANDA WA MYIDI MUKULU

⁹ — Nuenu bonsu, bantu ba Mvidi Mukulu, tekemenayi amu kudiye. Numupuile ntatu yenu. Yeye ke muaba utudi mua kunyemena.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bulelela, bantu bahuekele badi anu muhuya, bantu badi ne buneme bunene badi mashimi. Mu tshiamu tshia kuidikisha nʼatshi bujitu badi babanda kulu; buonso buabo basangisha hohamue badi bahita muhuya kuhehela.

Misambu 62:9 ပူးပေါင်းရင်းမြစ်များ

2 Samuele 15:31

Kuambilabu Davide ne: Akitofele udi munkatshi mua bantu badi ku luseke lua Absalome, bakeba mua kuangata bukalenga. Ke Davide kuamba ne: “Maweja-Nangila ndi nkusengelela ne: ngenyi yonsu idi Akitofele ufila, ikale ya budingidingi, kayiyi mimpe to”

2 Samuele 15:6

Ke muvua Absalome wenzela bantu bonsu bavua baye ne bilumbu biabu kudi mukalenga Davide. Nanku, Absalome uvua utekesha bena Izrayele ku kakese ku kakese bua kumunangabu.

2 Bakalenga 19:14

Izkiya kuangata mukanda uvuabu bamutuadila kudi bena Ashure, kuubala. Pashishe, kubuelaye mu nzubu wa Mvidi Mukulu, kuuleja Maweja-Nangila.

Misambu 116:11

Mvua ndubakana ngamba ne: “Kakuena muntu undi mua kutekemena!”

Misambu 118:9

Mbimpe kukeba diambuluisha kudi Maweja-Nangila, pa mutu pa kukeba diambuluisha kudi bantu banene!

Misambu 142:3

Ndi mmukuatshila tshilumbu, mmuleja dikenga dianyi.

Misambu 39:11

Ukadi muntuute, mbikumbane. Mituutu yebe idi mipite.

Misambu 39:5

Maweja-Nangila, nemfue diba kaayi? Nenshale kabidi ne muoyi matuku bungi munyi? Ungandamune bua mmanye matuku autshidi muntapile.

Misambu 46:2

Mvidi Mukulu udi tshisokomenu tshietu, utupe bukole. Mu makenga etu udi utuambuluisha misangu yonsu.

Misambu 71:7

Bantu ba bungi bavua bela meji ne: Wewe uvua muntshipe. Kadi Wewe ke tshianyi tshipanda tshia kushindamena.

Yeshaya 26:4

Tekayi muoyi wenu matuku onsu kudi Maweja-Nangila, bualu yeye udi Mvidi Mukulu wetu. Yeye neatukube kashidi.

Yeshaya 40:15

Kumpala kua Maweja-Nangila, bisamba bia bantu, bidi amu bu dimata dia mayi, didi dimata mu mbeketshi, nansha bu kasoka ka lusenga, kadibu bateka pa dilongu dia tshitempelu. Bantu ba kulekule, badi amu ne bujitu bu bua lupuishi lukese.

Yeshaya 40:17

Bisamba bionsu bisanga pamue, kabiena ne bujitu ku mesu ende. Bidi amu kajitu ka patupu.

Danyele 5:27

TEKELE, mmomumue ne: bakupima. Mbuena kuamba ne: bakupimi ne tshipimu. Bakusanganyi kuyi ne bujitu;

Matayi 21:9

Bavua benda kumpala kua Yezu, ne bavua bamulonda mu nyima, bonsu kuela mbila ne: “Lumu tuikale kudi Muana wa Davide! Udi uvua mu dina dia Maweja-Nangila, Mvidi Mukulu amuele lupemba! Lumu bikale kudi Mvidi Mukulu mu diulu!

Yowanane 19:15

Bobu kuela mbila ne: — Afue! Afue! Umupopele ku mutshi mutshiamakane! Pilate kubakonka ne: — Ndi ne bua kupopela mukalenga wenu ku mutshi mutshiamakane anyi? Bamfumu ba batuangaji kuandamuna ne: — Katuena ne munga mukalenga to, amu mukalenga wa bakalenga.

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

1 Samuele 1:15

Ane kuandamuna ne: — Tshiena mukuatshika maluvu to. Ndi mukaji muena dikenga. Tshiena munue maluvu to. Ndi mufike muaba ewu bua kukuatshila Maweja-Nangila dikenga dianyi.

1 Samuele 18:5

Misangu yonsu, ivua Shawule utuma Davide mu mvita, Davide uvua amu utshimuna. Ke muvua Shawule mumuteke mfumu, mulombodi wa bena mvita bende. Bena mvita bonsu, ne balombodi ba bena mvita ba mukalenga Shawule kusanka bikole bua bualu ebu.

1 Samuele 18:7

Bavua batuma misambu, bapunguluja, bela mbila ne disanka ne: “Shawule mmushipe baluishi tshinunu. Davide mmushipe binunu makumi ne makumi.”

1 Samuele 23:12

Davide kukonka kabidi ne: — Meme ne bantu bandi nabu, bena tshimenga tshia Keyila nebatufile kudi Shawule anyi? Maweja-Nangila kuandamuna ne: — Eyowa, nebanufile kudi Shawule.