Misambu 59:11 - MUKANDA WA MYIDI MUKULU

¹¹ Mvidi Mukulu wanyi udi unnanga. Ke mudiye ungambuluisha, undeja mudi baluishi banyi babutuka bonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kubashihi nansha, bua bantu banyi kabahu muoyo; ubalenduishe ku bukole buebe, ubashindishe hanshi, wewe Mukelenge, ngabu wetu!

Misambu 59:11 ပူးပေါင်းရင်းမြစ်များ

Yobe 40:12

Ujoje bena ditambisha bonsu, ubazaze muaba udibu, uboze bena malu mabi.

Misambu 106:27

bua kutangalaja ndelanganyi yabu miaba yonsu, ne kufuilayi mu bisamba bia benyi.

Misambu 118:7

Maweja-Nangila udi nanyi, ungambuluisha, ndi mmona bundu bua baluishi banyi.

Misambu 3:3

Bantu ba bungi badi bangamba ne: “Mvidi Mukulu kena mua kumuambuluisha nansha kakese!”

Misambu 44:11

Ukadi utunyemesha kumpala kua bena lukuna betu. Ke baluishi betu kupawula bintu ne disanka.

Misambu 52:5

Udi munange malu mabi, mubenge mimpe. Udi musue dishima, uyila malu malelela.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Misambu 84:9

Maweja-Nangila Mvidi Mukulu wa bukole buonsu, umvua kutendelela kuanyi, Mvidi Mukulu wa Yakobe, unteleje.

Muambi 9:5

Bualu bantu ba muoyi mbamanye ne: netufue. Kadi bafue bobu ki mbamanye kalu nansha kamue. Bafue kabena bindila kantu, bualu bakadi babapue muoyi.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Luke 21:21

Diba adi bantu bikala mu Yudeya, baye kusokoma mu mikuna. Bikala mu Yerushalayime, bumuke lubilu. Bikala mu mpata, kabapinganyi mu tshimenga to.

Dielulula 28:64

Pashishe neanumuangalaje miaba yonsu, munkatshi mua bisamba bia bende bidi pa buloba bujima. Neatendelele mpingu ya mvidie ya mabue, ne ya mitshi misonga, inudi kanuyi banji kumanya ku bankambua benu too ne mpindiewu.

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Didimanyisha 9:6

Ngondu itanu eyi, bantu nebakebe lufu, bua lubakuate. Kadi kaluakubakuata to. Nebajinge kufua. Kadi lufu nelubanyeme mutantshi mule.

1 Samuele 24:5

Bantu bavua nabu Davide kumuambila bitekete ku ditshi ne: — Ke dituku divua Maweja-Nangila mukulaye, mukuambile ne: “Dituku dikuabu, nemfile muena lukuna webe mu bianza biebe bua umuenzele muudi musue.” Ke Davide kusemena mu musokoku, kukosaye tshipesa tshia muntumpu wa Shawule.