Misambu 58:9 - MUKANDA WA MYIDI MUKULU

⁹ Bafube bu dilandi didi dienda, diume! Kabamonyi diba, bu muana wa tshituka mufuile munda!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Diambedi ngesu yenu kayiyi mianze kukuata kahia ka mingongo ya meba, ne itshidi mibishi, ne idi mikuate kahia, yeye ayumushe ne nvunde.

Misambu 58:9 ပူးပေါင်းရင်းမြစ်များ

Yobe 18:18

Nebamuipate mu butoke, bua abuele mu miidima. Nebamuipate mu buloba budi bantu base.

Yobe 27:21

Lupepele ludi lufuma kudi diba dipatukila ludi lubambula, luya nabu kule, lubumusha ku bukole muaba udibu basombe.

Yobe 3:16

Meme tshivua mua kuikalapu to. Mvua mua kuikala bu muana wa tshituka mubutame, nansha bu bana batekete badi kabayi bamone butoke.

Misambu 10:2

Bantu babi kabayi bundu, badi bakengesha bapele. Badi babakuata mu mateyi avuabu bateya.

Misambu 10:5

Bionsu bidiye wenza bidi biya kumpala. Paudi ukosa tshilumbu tshiende, kabiena bimuenzela bualu, bualu wewe udi kulu kule!

Misambu 118:12

Bavua banduisha bu tshisumbu tshia mbulubulu, kadi kujiminabu bu mudi kapia kajima ku bisosa, meme kubipata ku diambuluisha dia Maweja-Nangila.

Misambu 55:23

Teka bujitu bua pa makaya ebe mu bianza bia Mvidi Mukulu. Neakukankamike, kakuanyisha bua muntu wende apungile nabu.

Nsumuinu 1:27

Bualu dituku dikuabu dikenga nedinukuate bu mvula wa tshipupu. Bowa nebunuenze bu tshipepela tshia mvunde. Lutatu ne dipampakana nebinutatshishe bikole.

Nsumuinu 10:25

Bantu babi badi bafue mu tshikondu tshia tshipupu, kadi bakane badi batshikolela kashidi.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Muambi 7:6

Bualu, bu mudi lukunyi tua meba tutudika muinshi mua luesu pa kapia, ke mudi tuseku tua mutshimbakane katuyi ne tshiditu tuenza.

Yeshaya 17:13

Tshimvundu tshia bisamba tshidi tshienda tshisemena pabuipi, tshifuana tshiona tshia mavuala a mayi manene. Kadi Maweja-Nangila udi ukanyina bisamba. Biobi bidi binyema kule, bu kasosa kapepula kudi lupepele lua pa mikuna, bu lupuishi lujuula kudi mvunde.

Yeshaya 40:24

Badi bu mitshi mitekete. Bavua bamiamina ntete, itshidi yelelaku miji mu buloba. Kadi padi Mvidi Mukulu uyela mupuya, idi yuma, mupuya wende udi uyishimbula, bu mudi lupepele lukole lutula tususu tua tshimuma tshibishi.

Yirmeya 23:19

Mvunde mukole wafiki. Ke tshiji tshia Maweja-Nangila! Mvunde munene udi unyoka bena tshibawu.

Dibadika 16:30

Kadi, pikala Maweja-Nangila mubenzele bualu budi kabuyi buanji kuenzeka, pikala buloba bumine, bujibikile bantu abu ne bena meku abu, ne bintu biabu, baye mu kandondu ka bafue, batshikale ne muoyi, nanku nenujadike ne: mbasendeke Maweja-Nangila.