Misambu 55:7 - MUKANDA WA MYIDI MUKULU

⁷ Ke meme kujinga ne: “Bu meme ne mapuapua bu nkudimba! Mvua mua kunyema mutantshi mule, bua kupeta dikisha mu tshipela.

Mukanda wa Nzambi Dihungila Dikulukulu ne Dihungila Dihia-dihia 2003

⁷ eyo, nakadi kunyema kule, nakadi kushikama mu tshihela.

Misambu 55:7 ပူးပေါင်းရင်းမြစ်များ

2 Samuele 15:14

Nanku, mukalenga Davide kuambila balombodi ba mu bukalenga buende bonsu bavuaye nabu mu Yerushalayime ne: — Jukayi, tunyeme, bualu Absalome neakebe mua kutushipa. Kena mua kutulekela ne muoyi to. Tuyayi lubilu, bualu neafike lukasa bua kutuluisha. Neatukengeshe bikole, kabidi neabutule bena mu tshimenga bonsu.

Yirmeya 37:12

Yirmeya uvua musue kupatuka mu tshimenga bua kuya mu buloba bua bena Binyamine. Uvua ne bua kuyamu kuabanyangana buloba ne bantu ba mu musoku wabu.

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Yirmeya 9:2

Maweja-Nangila udi wamba ne: “Ndimi ya bantu aba idi anu minana bu buta, miaku yabu ke mikete ya kudinga nayi bantu. Badi ne bukole mu ditunga edi, ki mbua malu malelela adibu bamba to, kadi anu bua dishima didibu bashima bantu. Badi benza malu mabi misangu ne misangu. Kadi kabena bammanye meme to.

1 Samuele 27:1

Davide kuela meji, udiambila ne: “Dituku dikuabu, Shawule ewu neanshipe. Tshiena ne tshikuabu tshindi mua kuenza mpindiewu to. Mbimpe nnyemene mu ditunga dia bena Peleshete. Nanku Shawule nealekele kunkeba mu buloba bujima bua bena Izrayele. Ke mundi mua kumunye-mena.”