Misambu 52:1 - MUKANDA WA MYIDI MUKULU

¹ Musambu wa mu mukanda wa mulombodi wa bena misambu. Kasala ka mu mukanda wa misambu ya Davide.

Mukanda wa Nzambi Dihungila Dikulukulu ne Dihungila Dihia-dihia 2003

¹ Wewe, muena tshinyangu mukole, udi ufuna bulobo mu malu mabi ebe bua tshinyi? Luse lujalame lua Nzambi ludiku matuku onso.

Misambu 52:1 ပူးပေါင်းရင်းမြစ်များ

Misambu 10:7

Udi amu utshipa bantu, ubashima, ubadinga. Bidiye wamba bidi bikebela bantu dikenga ne diakabi.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 107:1

Maweja-Nangila, tuasakidila, bualu udi ne malu mimpe, dinanga diebe kadiena ne ndekelu.

Misambu 54:3

Mvidi Mukulu wanyi, umpandishe bua bantu banemeke dina diebe. Umbingishe, bualu udi ne bukole bua kuenza nanku.

Misambu 59:7

Badi bapingana dilolu mu tshisumbu, banyunguluka tshimenga tshijima, bela mikunda bu mbua.

Misambu 7:14

Udi wangata biende bia lufu, wasa mikete yende idi misuika kapia.

Misambu 94:4

Bantu bonsu badi benzela bakuabu bibi, badi bakula bibi ne kapeja, baditambisha.

Ekesode 22:9

“Pikala muntu mutekeshe mpunde, ngombe, mukoku nansha tshimuna tshikuabu ku nzubu kua mukuende bua kumulamima, tshimuna atshi tshifue, tshitapike mputa nansha tshibe kabayi bajadike udi muibe,

Nsumuinu 6:14

Udi amu umvua nzala ya kuenzelangana bibi. Udi ulongolola malu mabi a kuenza kayi upungila. Udi ujuula matandu.

Nsumuinu 6:18

lungenyi ludibu bakeba kuenza nalu malu mabi, makasa adi aya ku dienza dia malu mabi,

Yeshaya 59:4

Nudi nufundangana ku tubadi amu ne muoyi mubi. Nudi nulumbululaku, kanuyi nukeba bulelela. Malu anudi nujadika adi amu a dishima. Bionsu binudi nuamba bidi amu bia patupu. Nudi amu nukeba kukengeshangana, nupatula munda muenu amu malu mabi.

Yirmeya 41:4

Bobu bamane kushipa Ngedaliya, kupita matuku abidi, bantu kabavua banji kumanya bua lufu luende alu to.

Yirmeya 9:8

Maweja-Nangila udi wamba ne: Tshiena mua kunyoka bantu aba anyi? Tshiena mua kusombuela tshisamba tshia mushindu ewu anyi?”

Mika 7:3

Badi bamanye bimpe, mudibu mua kuenza malu mabi. Bamfumu ne bakoshi ba nsambu, badi balomba mabuejila. Bantu banene badi bamba majinga abu patoke, bashima bantu bua kuakumbaja.

Rome 1:30

bajanangana; badi bakina Mvidi Mukulu, baleja dikamakama, baditambisha, baditemba. Badi bela meji ku malu mabi mapiamapia adibu mua kuenza. Badi batombokela baledi babu.

2 Timote 3:2

Bualu bantu nebadinange. Nebanange bubanji. Nebaditembe, baditambisha, bapenda Mvidi Mukulu. Nebatombokele baledi babu. Kabakuvuluka kabidi bantu bavua babenzele bimpe. Kabakunemeka bidi bia tshijila.

1 Samuele 21:7

Ke mutuangaji Akimeleke kupesha Davide mampa avuabu bamane kujidila, bualu kavua ne mampa makuabu to. Mampa awu bavua bamane kualambula Maweja-Nangila, pashishe baumushe mu nzubu wa Mvidi Mukulu, bua kupingaja mampa makuabu mapiamapia.