Misambu 51:4 - MUKANDA WA MYIDI MUKULU

⁴ Ungumushe bubi buonsu, untokeshe ku tshilema tshianyi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nakukuenzela wewe, wewe nkayebe, bibi; nakuenza bualu bubi abu ku mesu kuebe; bua wewe Umanye mua kubingishibua hawamba dî dia kumpisha nʼadi, ne mua kuikala ne mutshima mutoke mu kulumbulula kuebe.

Misambu 51:4 ပူးပေါင်းရင်းမြစ်များ

Genese 20:6

Mvidi Mukulu kuambila kabidi Abimeleke mu tshilota atshi ne: — Ndi mumanye ne: udi muenze nanku kuyi mumanye bualu. Ke pandi mukukandike ne kulengi ewu mukaji, nansha ne tshianza mene; tshianana, udi untombokela.

Genese 38:7

Ere, muanabute wa Yuda, kavua ukumbaja bivua Maweja-Nangila musue nansha. Nanku Maweja-Nangila kumushipesha.

Genese 39:9

Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

2 Bakalenga 17:17

Bavua balambula bana babu ba balume ne ba bakaji bu mulambu wa kuosha. Bavua benza majimbu a mishindu yonsu. Nanku, bavua bafikisha Maweja-Nangila munda bualu bavua benza malu adiye mubenge.

2 Bakalenga 21:6

Kufikaye ne ku dilambula muanende wa balume bu mulambu wa kuosha. Kuenzaye majimbu a mishindu mishilangane, kubukaye lubuku lua muzangu. Nanku, Menashe uvua wenza anu malu adi Maweja-Nangila mubenge, umufikisha munda.

Misambu 50:4

Mvidi Mukulu udi ubikila diulu ne buloba, bua bijadike mudiye ulumbuluisha bantu bende.

Misambu 50:6

Diulu didi mua kujadika ne: “Maweja-Nangila mmukumbaje bivuaye mulaye. Padiye ulumbuluisha bantu, udi wenza pa bualu.”

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

Lewitiki 5:19

Ewu ke mulambu wa dinua tshibalu bua muntu yonsu udi mubunde tshibawu kudi Maweja-Nangila.’’

Luke 15:21

Ke muana kumuambila ne: “Tatu wanyi, ndi muenzele Mvidi Mukulu bibi. Ndi mukuenzele ne wewe kabidi. Tshitshiena mukumbane bua untangile bu muanebe.”

Luke 7:29

Bantu bonsu ne balambuishi ba bitadi mene bavua bateleja Yowanane, bitaba bivua Mvidi Mukulu mubalombe, bavua baya kudi Yowanane bua abatue mu mayi.

Bienzedi 17:31

Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Yakobe 2:11

Bualu uvua muambe ne: “Kuenji malu a bundu,” ke uvua muambe kabidi ne: “Kushipi muntu” Nanku paudi wepuka buendenda, kadi ushipa muntu, udi ushipa mikenji.

Yakobe 2:9

Kadi panuikala nusungululangana, nudi nuenza bibi. Mikenji idi inupisha, bualu kanuena nuyitumikila.

Didimanyisha 16:5

Ke meme kumvua mutumibue udi utangila mayi, wamba ne: “Wewe udi wa Tshijila, udiku ne muaku, udi muakane, bualu udi mukose nsambu pa yoyi pa kuenza nanku.

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.