Misambu 51:2 - MUKANDA WA MYIDI MUKULU

² Musambu ewu mmusake tshikondu tshivua muambi Natane mumonangane ne Davide, yeye mumane kubuelela Batsheba mu nzubu.

Mukanda wa Nzambi Dihungila Dikulukulu ne Dihungila Dihia-dihia 2003

² Unguvuwe tshishiki ku mahambuka anyi, untokeshe ku bubi buanyi.

Misambu 51:2 ပူးပေါင်းရင်းမြစ်များ

2 Samuele 11:4

Davide kutuma bantu bua babikile mukaji awu. Mukaji mumane kufika, Davide kumubuelela mu nzubu! Pashishe, mukaji kupingana ku nzubu kuende. Kadi mukaji awu, utshivua umukilaku ku dijikija mikiya ya tshijila tshia bakaji.

2 Samuele 12:1

Bualu buvua Davide muenze, buvua bufikisha Maweja-Nangila munda. Nanku Maweja-Nangila kutuma muambi Natane kudi Davide. Muambi Natane kufika ku nzubu kua Davide, umuambila ne: — Mu tshimenga tshikuabu, muvua bantu babidi, ewu mubanji, mukuabu mupela.

Misambu 19:12

Maweja-Nangila, ndi muena mudimu webe. Mikenji yebe idi imbela, kuyilonda nkupeta diakalenga.

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Yeshaya 1:16

Dilongololayi, nudikobolole, nubenge buenzayi, tshibumvu kabidi nansha. Kanuenji kabidi bibi to.

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Lewitiki 13:58

“Padibu basukula tshintu atshi, dikeji dijika, batshisukulule musangu muibidi, bua tshishale katshiyi ne mikiya.”

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Yowanane 13:9

Simone Petro kumuandamuna ne: — Nanku, Mfumu, kungoweshi anu ku makasa nkayaku to! Ungoweshe kabidi ku bianza ne ku mutu!

Bienzedi 22:16

Kadi mpindiewu tshiudi windila kabidi ntshinyi? Jukaku, bakutue mu mayi, utonde mu dina dia Yezu, bua mibi yebe ijimine.”

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.