Misambu 51:12 - MUKANDA WA MYIDI MUKULU

¹² Mvidi Mukulu wanyi, fila muoyi mutoke munda muanyi. Umpeshe lungenyi lupialupia, ulushindike.

Mukanda wa Nzambi Dihungila Dikulukulu ne Dihungila Dihia-dihia 2003

¹² Umpingishile disanka dia luhandu luebe, ushindike ne mutshima wa mua kuenza bu mu disua diebe.

Misambu 51:12 ပူးပေါင်းရင်းမြစ်များ

Misambu 119:133

Mukenji webe umpeshe bukole buonsu, bualu bubi nansha bumue kabuntshimunyi.

Misambu 13:5

Kuanyishi bua baluishi banyi baditambishe ne: tuamutshimunyi, nansha bua bankinyi badiela mulu ne: tudi bamutekeshe.

Misambu 17:5

Ndi ngenda amu mu njila webe, tshiena mpambukamu nansha kakese.

Misambu 19:13

Bantu bonsu badi batupakana. Umfuile luse bua bilema bindi muenze mu mpukapuka.

Misambu 21:1

Musambu wa mu mukanda wa misambu ya Davide, wa mu mukanda wa mulombodi wa bena misambu.

Misambu 24:4

— Ke bena ku muela kakuyi mashi, ba muoyi mutoke, kabayi bela meji mabi, kabayi baditshipa mitshipu ya dishima.

Misambu 35:9

Kadi meme nensanke, ntshionkomoke, bualu Maweja-Nangila neansungule.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 49:13

Diulu, lejaku disanka diebe! Buloba, Sankaku! Mikuna minene, imbayi misambu ne meyi makole. Bualu Maweja-Nangila udi usamba bantu bende. Bantu bende badi bakenga, udi ubafuila luse.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yirmeya 10:23

Maweja-Nangila udi mumanye ne: muntu kena ne bukole bua kukumbaja tshidiye musue to. Kena ne mushindu wa kuenda mu njila muakane.

Luke 1:47

Ndi nsankidila bikole Mvidi Mukulu, mumpandishi wanyi.

Rome 14:4

Wewe kabidi udi nganyi bua wewe kulumbuluisha muena mudimu wa bende? Bualu, nansha yeye ukuatshila mfumuende mudimu ne dinanukila, nansha yeye mupangile mu njila, tshilumbu atshi tshidi amu tshia mfumuende wa mudimu. Kadi neakuate mudimu ne dinanukila, bualu Mfumu udi ne bukole bua kumuimanyika.

Rome 8:15

bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

2 Korente 3:17

Kadi Maweja-Nangila utudi tutela muaba ewu, ke Mfumu udi ukuata mudimu ku bukole bua Mueyelu wende. Muaba udi Mueyelu wa Mfumu, ke muaba utudi tuenza mutudi basue.

1 Petro 1:5

Nanku mmusue kunulama ne tshianza tshiende tshikole mu njila wa ditaba, bua nupete lupandu ludi ne bua kumueneka ku ndekelu wa bidimu.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.