Misambu 50:7 - MUKANDA WA MYIDI MUKULU

⁷ — Tshisamba tshianyi, teleja, ndi nkuambila bualu. Izrayele, meme Mvidi Mukulu, Mvidi Mukulu webe, ndi nkufunda ku tshilumbu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Unvuai, nuenu bantu banyi, nengakule; Bena Isalele, nennubande. Meme ndi Nzambi, Nzambi wenu mene.

Misambu 50:7 ပူးပေါင်းရင်းမြစ်များ

1 Bakalenga 18:39

Bena Izrayele bamone nanku, kutuabu mpala panshi bonsu. Pashishe, kutuadijabu kuela mbila ne: “Anu Maweja-Nangila ke Mvidi Mukulu mulelela. Anu Maweja-Nangila ke Mvidi Mukulu mulelela!”

2 Bakalenga 17:13

Maweja-Nangila kutuma bambi bashilangane bua bahele bena Izrayele ne bena Yuda, babambila ne: — Lekelayi buenzayi. Tumikilayi meyi ne mikandu yanyi bidi mu mikenji imvua mupeshe bankambua benu, ne imvua munutumine kudi bambi, bantu banyi.

2 Kulondolola 28:5

Maweja-Nangila Mvidi Mukulu wende, kufila Akaze mu bianza bia mukalenga wa bena Arame. Bena Arame kumuluisha, kukuata bantu ba bungi mu lukanu, kuya nabu mu tshimenga tshia Damase. Akaze uvua mubuele kabidi mu bianza bia Peka, mukalenga wa bena Izrayele, muana wa Remaliya. Awu kumutshimuna, kumukengesha bikole.

Misambu 49:1

Musambu wa mu mukanda wa mulombodi wa bena misambu. Musambu wa mu mukanda wa misambu wa bena Kora.

Misambu 81:8

Pauvua mu dikenga, wewe kumbikila, meme kukupandisha. Meme kukuitaba mu tshipepela tshikole. Meme kukuteta ku mayi a Meriba.

Misambu 81:9

Bantu banyi nunteleje, ndi nnudimuja! Bena Izrayele, bu nuenu banteleje!

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Yirmeya 2:9

Nanku, ndi nenu tshilumbu. Nendumbuluishe ndelanganyi yenu. Meme Maweja-Nangila ndi njadika nanku.

Yezekiyele 20:5

Ubavuluije miaku indi meme Maweja-Nangila Mvidi Mukulu mbambila ne: “Tshikondu tshimvua musungule bena Izrayele, mvua mutue nabu bonsu ndondu, muditshipe. Mvua mudileje kudibu mu Ejipitu. Mvua mubalaye bua kuikala Maweja-Nangila Mvidi Mukulu wabu.

Yezekiyele 20:7

Meme kubela mikenji ne: muntu yonsu wa kunudi abenge mvidie ya dishima inudi nutendelela, bua kanupi mikiya pa kukukuila mvidie ya bena Ejipitu. Meme ndi Maweja-Nangila Mvidi Mukulu wenu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”