Misambu 50:22 - MUKANDA WA MYIDI MUKULU

²² Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Mukanda wa Nzambi Dihungila Dikulukulu ne Dihungila Dihia-dihia 2003

²² Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

Misambu 50:22 ပူးပေါင်းရင်းမြစ်များ

2 Samuele 22:42

Nansha bobu bakenzakane udi mua kubambuluisha, badi batangila bapanga. Badi basengelela Maweja-Nangila, kadi kena wandamuna.

Yobe 10:7

Kadi udi amu mumanye ne: tshiena muena tshibawu to. Kabidi ne kakuena muntu udi mua kunnyenga mu bianza biebe.

Yobe 8:13

Ke bidi bienzekela bantu badi bapua Mvidi Mukulu muoyi. Bantu badi bamutombokela kabena mua kutekemena tshintu.

Misambu 10:4

Muntu mubi udi wela mpala mulu, wamba ne: “Mvidi Mukulu kena unyoka muntu. Kenaku mene.” Ke meji onsu adi muntu mubi wela.

Misambu 7:2

Maweja-Nangila Mvidi Mukulu wanyi, ndi nyemena kuudi. Umpandishe, unsungile kudi bonsu badi bankengesha.

Misambu 9:17

Maweja-Nangila mmudileje mudiye, mmukose nsambu pa yoyi. Muntu mubi mmudikuatshishe mu bukondu buvuaye muele.

Misambu 9:18

Bantu babi bonsu badi bapua Mvidi Mukulu muoyi, bapingane mu kandondu ka bafue.

Muambi 7:14

Dituku dia disanka, usanke. Dituku dia dikenga, wela meji bimpe. Mvidi Mukulu udi utuma dikenga nansha disanka bua muntu kamanyi malu atshidi kumpala kuende.

Yeshaya 51:13

Udi upua Maweja-Nangila muoyi anyi? Ke yeye uvua mukufuke. Uvua mubalule diulu, mushindike buloba. Matuku onsu wewe udi uzakala, utshina muena tshinyangu, wela meji ne: neambutule amu mpindiewu. Kadi tshidiye mua kukuenzela ntshinyi?

Yirmeya 2:32

Nsongakaji udi mua kupua muoyi bilengejilu ne mabue a mushinga mukole anyi? Mukaji udi ku dibaka udi mua kupua muoyi mukaba muimpe muluka, uvuaye muvuale mu tshibilu tshia dibaka anyi? Nansha kakese. Kadi nuenu bantu banyi bena Izrayele, nudi bampue muoyi matuku a bungi kaayi mua kubala to.

Yezekiyele 18:28

Neashale ne muoyi, bualu mmumone nuwuaye wenza bibi, mudilengeje. Nanku kakufua to.

Osheya 13:8

Ndi nnubunda, mudi nyama wa nkashama wenza, padibu bamunyenga muana. Nennusunsule tshiadi tshienu. Nebanudie kudi mbua. Nyama ya tshisuku neyisunsule bitalu bienu.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.

Amosa 2:14

Nansha muntu ne lubilu lukole, muaba wa kunyemena, kakuufika. Nansha tshilobu mene katshiakupeta bukole. Bena mvita ba bukitu kabakudisungidila ku lufu.

Mika 5:8

“Eyowa, luisha baluishi bebe, ubashipe, ubasunsule!

Agayi 1:5

Meme Maweja-Nangila wa bukole buonsu, ndi nnuambila ne: Dikonkayi pa malu adi anuenzekela.

Luke 15:17

Kutuadijaye kuela meji, kudiambila ne: “Bena mudimu ba tatuanyi badi ne biakudia bipite bungi, kabayi mua kubidia, kubijikija. Meme apa nkadi mfua ne nzala!

Dielulula 32:18

“Eyowa, bena Izrayele, nudi balengulula Maweja-Nangila, mulami wenu uvua munupeteshe muoyi. Yeye ke udi munufikishe ku bantu.”

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?