Misambu 50:14 - MUKANDA WA MYIDI MUKULU

¹⁴ Tshindi ntekemena kuudi, ki mbiakudia nansha, kadi amu bua untumbishe, meme Mvidi Mukulu webe, ne bua ukumbaje malaya auvua mundaye meme, Muena kulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Fila mulambu wa disakidila kudi Nzambi, futa mitshihu yebe kudi Udi Mutambe Bunene wa mu Diulu.

Misambu 50:14 ပူးပေါင်းရင်းမြစ်များ

Yobe 22:27

Paudi umutendelela, umuteleje, nanku neukumbaje malaya auvua mumulaye.

Misambu 147:1

Tumbishayi Maweja-Nangila, Aleluya! Mbimpe kuimbila Mvidi Mukulu wetu misambu, bidi biakane kumutumbisha bu mudiye musue!

Misambu 22:25

Bualu kavua mupepeje nansha mupetule bapela, kavua mubele nyima! Kadi uvua muteleje lubila luabu!”

Misambu 22:26

Maweja-Nangila, ke pandi nkutumbisha mu tshisangilu tshinene, nkulambula milambu imvua mukulaye, bantu bebe batangile!

Misambu 27:6

Diakamue nkadi mpetula baluishi badi bangela munkatshi. Nendambule Maweja-Nangila milambu, mmuela tunkunduluila, mmuimbila misambu.

Misambu 50:23

Muntu udi ungela tuasakidila, ke udi untumbisha! Udi untumikila, ke undi mpandisha!

Misambu 56:12

Pandi mmutekemena, tshiena ntshina tshintu. Tshidi muntu mua kungenzela ntshinyi?

Misambu 61:8

Ashale mu bukalenga kashidi, akuvuluke. Mvidi Mukulu wanyi, bu muudi umunanga, ukumbaje biuvua mulaye, umulame, akole bobobo.

Misambu 65:1

Musambu wa mu mukanda wa mulombodi wabena misambu. Wa mu mukanda wa misambu ya Davide.

Misambu 69:32

Maweja-Nangila, ke bidi bikuenza disanka, mbipite ngombe milume ne mikaji indi nkulambula.

Misambu 76:11

Nansha tshiji tshia bantu netshikutumbishe, ne bonsu bikale bapambuke ku tshiji tshiebe, nebakuenzele tshibilu.

Misambu 76:12

Uditshipe kudi Maweja-Nangila, Mvidi Mukulu webe wenze muuvua mumulaye. Nuenu bonsu badi bamunyunguluke, nufike ne milambu yenu kudi Mvidi Mukulu wa kutshina.

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

Nahume 2:1

Nuenu bena ditunga dia Yuda, tangila muntu udi unuluila pa mikuna, bua kunumanyisha lumu lua disanka lua ne: tudi batshimune baluishi betu, tuapetshi bupole. Enzayi bibilu bienu bia kutendelela, tuadilayi Mvidi Mukulu binuvua bamulaye. Bualu muntu mubi uvua unukengesha awu, kena mua kubuela kabidi ne nwita mu ditunga dienu. Bukole buende bonsu mbujike.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Dielulula 23:21

Kadi nudi mua kulomba bintu bia kasombela, anu kudi muenyi udi munkatshi muenu. Kanulombi kudi muanenu. Nukumbaje mikenji eyi mu ditunga dinuakuata, bua Maweja-Nangila Mvidi Mukulu wenu anuele lupemba mu bionsu binudi nuenza.

Dielulula 23:22

Nuenu balaye Maweja-Nangila Mvidi Mukulu wenu tshintu tshia mapiku, numulambule tshintu atshi lukasa. Bualu yeye munulombetshi ku bukole, nenuikale bena tshibawu.

Dielulula 23:23

Nuenu kanuyi balaye Maweja-Nangila tshintu tshia mapiku, kakuena bualu to.

Dielulula 23:24

Kadi nuenu bamane kumulaya tshintu, mmulambule amu tshintu tshinuvua bamulaye atshi ku budisuile buenu.

1 Tesalonike 5:18

Nuele Mvidi Mukulu tuasakidila mu malu onsu adi enzeka. Ke tshidi Mvidi Mukulu unulomba nuenu badi badisanga ne Yezu Kristu.

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.