Misambu 50:13 - MUKANDA WA MYIDI MUKULU

¹³ Ntu ndia munyinyi wa ngombe anyi? Ntu nnua mashi a mpumbu anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹³ Ntu ngadia munyinyi wa ngombe, anyi? Ntu nganua mashi a mbushi, anyi?

Misambu 50:13 ပူးပေါင်းရင်းမြစ်များ

Misambu 69:31

Nenkuimbile misambu, nkuela tuasakidila, ntumbishe dina diebe.

Misambu 69:32

Maweja-Nangila, ke bidi bikuenza disanka, mbipite ngombe milume ne mikaji indi nkulambula.

Lewitiki 7:12

“Padi muntu ulambula Maweja-Nangila nyama wa mulambu, wimba ne musangu bua kumutumbisha, asakidile kabidi milambu eyi: mulambu wa mikata mikanga kayiyi miela buanga bua mampa, wa tuampa tukese tulaba mafuta, katuyi tuela buanga bua mampa, ne wa mikata mienza ne bukula busambakaja ne mafuta.

Yowanane 4:24

Mvidi Mukulu udi Mueyelu. Badi bamutendelela badi ne bua kumutendelela mu mueyelu ne mu bulelela.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Dielulula 32:38

Nuvua bayilambule nyama, bayilambule maluvu a kunua. Nanku ileje bukole buayi, inupandishe, inulame ne muoyi!

Dielulula 33:19

Nubikile bena mutumba nenu pa mukuna wa tshijila, bua kulambulamu milambu bu mudi mikenji yamba. Bubanji buenu mbufume mu Mayi manene, ne mu biuma bisokome mu lusenga.”