Misambu 50:1 - MUKANDA WA MYIDI MUKULU

¹ Musambu wa mu mukanda wa misambu ya Asafe. Mvidi Mukulu, Mvidi Mukulu Maweja-Nangila uvua muakule, muele lubila pa buloba. Kumvuikalu kudi diba dibanda ne kudidi dibuelela.

Mukanda wa Nzambi Dihungila Dikulukulu ne Dihungila Dihia-dihia 2003

¹ Wa Bukole, Nzambi, Yehowa mene, wakuamba dî diandi, wakubikila buloba kudi kuhatuka diba tô ne kudi kubueladi.

Misambu 50:1 ပူးပေါင်းရင်းမြစ်များ

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

1 Bakalenga 18:21

Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

1 Kulondolola 15:17

Nenku bena Levi kusungula Emane, muana wa Yowele, ne muanabu Ashafe, muana wa Berekiya, kabidi ne Etane, muana wa Kushaya wa mu diku dia Merari.

1 Kulondolola 16:37

Pashishe Davide kutumina Ashafe diyi ne bena mulongu nende, bua bashale pabuipi ne mushete wa ndondu wa Maweja-Nangila, bakumbaje midimu yabu, kabayi bapumbisha, amu muvuabu balongolole bia kuenza ku dituku ku dituku.

1 Kulondolola 25:2

Bana ba balume ba Ashafe: ke Zakure, Yozefe, Netaniya ne Asharela. Tatuabu ke uvua ulombola tshisumbu tshiabu, ubamanyisha malu a Mvidi Mukulu, wimba ne misambu, muvua mukalenga mubafundile.

1 Kulondolola 25:6

Bantu bonsu aba bavua bimba misambu mu nzubu wa Maweja-Nangila ne bisanji biabu: ndibu, nkombe ne nzenze. Bavua baludika bisumbu ebi kudi batatuabu. Bavua benza mudimu wabu mu nzubu wa Mvidi Mukulu, babalombola kudi Ashafe, Yedutune ne Emane, bu muvua mukalenga mubafundile.

1 Kulondolola 6:24

Ku dia balume dia Emane kuvua Ashafe mulombodi wa tshisumbu tshibidi tshia bena misambu. Bankambua bende menemene bavua nenku: Berekiya, Shima,

2 Kulondolola 29:30

Mukalenga Izkiya ne bakulu kuambila bena Levi bua batumbishe kabidi Maweja-Nangila ne misambu ivuabu benze kudi Davide ne kudi muambi Ashafe. Bena Levi kuimba misambu ne disanka dinene, pashishe kudielabu panshi bua kutumbisha Maweja-Nangila.

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

Misambu 113:3

Kudi diba dipatukila ne kudidi dibuelela, bantu bonsu batumbishe Maweja-Nangila.

Misambu 73:1

Musambu wa mu mukanda wa misambu ya Asafe. Ndi mumanye ne: Mvidi Mukulu udi unanga Izrayele, nangananga bantu badi bamuitaba.

Misambu 74:1

Kasala ka mu mukanda wa misambu ya Asafe. Mvidi Mukulu wanyi, udi mutubenge kashidi bua tshinyi? Udi mutulamine tshiji bua tshinyi? Tuetu bikale mikoku ya mu tshikumbi tshiebe?

Misambu 75:1

Musambu wa mu mukanda wa mulombodi wa bena misambu, wa kuimba bu musambu wa “Kubutuishi…” Musambu wa mu mukanda wa misambu ya Asafe.

Misambu 76:1

Musambu wa mu mukanda wa mulombodi wa bena misambu. Wa kuimba ne bisanji bia nshinga dikumi. Wa mu mukanda wa misambu ya Asafe.

Misambu 77:1

Musambu wa mulombodi wa bena misambu. Wa Yedutune. Musambu wa mu mukanda wa misambu ya Asafe.

Misambu 78:1

Kasala ka mu mukanda wa misambu ya Asafe. Bantu banyi telejayi bimpe malongesha anyi, teyayi matshi ku bindi nnuambila.

Misambu 79:1

Musambu wa mu mukanda wa misambu ya Asafe. Eyi, Mvidi Mukulu, bantu benyi mbanyange muaba webe uudi usomba, mbashiye mikiya mu nzubu webe wa tshijila, Yerushalayime mmushale kabutu.

Misambu 80:1

Musambu wa mu mukanda wa mulombodi wa bena misambu, wa mu mukanda wa misambu ya Asafe, wa kuimba ne lunzenze.

Misambu 81:1

Musambu wa mu mukanda wa mulombodi wa bena misambu, wa mu mukanda wa misambu ya Asafe. Musambu wa kuimba ne lunzenze lua Ngate.

Misambu 82:1

Musambu wa mu mukanda wa misambu ya Asafe. Mvidi Mukulu udipu, muela munkatshi kudi tshipangu tshiende, munkatshi mua mvidie udi ukosa nsambu pa yoyi wamba ne:

Misambu 83:1

Musambu wa mu mukanda wa misambu ya Asafe.

Yeshaya 1:2

Maweja-Nangila udi wamba ne: “Diulu, teleja, buloba, teya matshi. Meme kukolesha bana. Kadi bobu bamane kukola, kuntombokelabu.

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Yeshaya 54:5

Bualu uvua mukufuke, ke washala bu bayebe. Ke yeye udibu binyika ne: “Maweja-Nangila muena bukole buonsu.” Yeye ke wa tshijila wa Izrayele, udi ukupandisha. Yeye mene ke udibu binyika ne: “Mvidi Mukulu wa buloba bujima.”

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yirmeya 10:6

Maweja-Nangila, kakuena mukuabu bu wewe, wewe udi munene. Bantu badi bamanye bunene ne bukole buebe.

Amosa 3:8

Padi nyama wa ntambue ukungula, udi kayi ne bowa nnganyi? Padi Maweja-Nangila Mvidi Mukulu umanyisha bantu bualu, udi mua kubenga kubuambila bantu nnganyi?

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Matayi 25:32

Bisamba bionsu bia pa buloba nebisangile kumpala kuende. Neabuluje bantu ne bakuabu, bu mudi mulami wa nyama wabuluja mikoku ne mbuji ya mpumbu.

Yoshua 22:22

— Maweja-Nangila ke Mvidi Mukulu wa bukole buonsu. Eyowa, anu Yeye ke Mvidi Mukulu wa bukole buonsu. Maweja-Nangila mmumanye tshitudi bashile tshilambuilu etshi. Bena Izrayele bonsu kabidi nebamanye bualu ebu. Patuikala batombokele Maweja-Nangila, bamuenzele tshilema bunene nanku, atushipe lukasa!