Misambu 5:7 - MUKANDA WA MYIDI MUKULU

⁷ Wewe udi ubutula bena dishima, ubenga badi bashipa bantu, nansha badi babadinga.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi meme hanyi nembuele mu nsubu muebe bua kukumbana kua luse luebe; nenkuinamine mu ntempelo webe ne dikutshina dianyi.

Misambu 5:7 ပူးပေါင်းရင်းမြစ်များ

1 Bakalenga 8:35

“Padi bena Izrayele bakutombokela, udi mua kukandika bua mvula kaloki to. Nanku, padi bena Izrayele batangila ku nzubu eku, bua kukutendelela ne kukutumbisha, padibu badipuekesha, balekela kukutombokela,

1 Bakalenga 8:38

padi bantu bebe, bena Izrayele, badiunwue ne: tudi benza bibi, banyingalala, padibu bakutendakena, batangila ku nzubu eku, bela bianza mulu bua kukutendelela,

Misambu 101:7

Muntu udi udinga kena usomba mu nzubu muanyi. Muntu udi ushima kena ujalama kumpala kuanyi.

Misambu 130:4

Wewe udi ne luse, ke padi bantu bakunemeka.

Misambu 132:7

Tubuelayi mu nzubu mua Maweja-Nangila, tuinyike mitu ku makasa ende.

Misambu 138:2

ndi ela panshi mu nzubu webe wa tshijila. Mvidi Mukulu wa kashidi, ndi nkutumbisha bua bulenga buebe ne bulelela buebe, bualu uvua muvuluke dilaya diebe, mutuvua katuyi batekemene.

Misambu 28:2

Unteleje pandi nkusengelela, nkulomba bua ungambuluishe, pandi ngolola bianza ku muaba wa tshijila menemene uudi usombe.

Misambu 34:17

Maweja-Nangila udi ukina benji ba bibi, ukupula mena abu pa buloba.

Misambu 51:1

Musambu wa mu mukanda wa mulombodi wa bena misambu ne wa mu mukanda wa misambu ya Davide.

Misambu 52:8

Bantu bakane nebamone kabutu aku. Nebakeme, baseka, bamba ne:

Misambu 55:16

Balunda ba nanku badi mua kufua, bapueke ne muoyi mu kandondu. Bualu bubi mbuase nzubu munda muabu.

Misambu 69:13

Miaba idi bantu basangile badi bantela, banu ba maluvu badi banseka, bangimba mu misambu.

Misambu 69:16

Muenji kaumpuekeshi, mavuala kaanjimiji. Lukita luanyi kalushadi muinshi mua mayi.

Nsumuinu 6:16

Kudi malu asambombu adi Maweja-Nangila ubenga, adiye udiwula kashidi:

Nsumuinu 6:17

mesu a ditambisha, ludimi lua muena dishima, bianza bidi bishipa bantu badi kabayi ne tshilumbu,

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yeshaya 64:11

Maweja-Nangila udi mua kushala upuwa amu nanku, paudi umona dikolu edi, anyi? Udi mua kushala mupuwilamu, utushiya mu dikenga didi ditupita anyi?

Danyele 6:10

Ke mukalenga wa bakalenga Daryaveshe kufunda dina diende pa mukanda, uvua ne mukenji awu.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Ebrewu 4:16

Nenku tusemenayi ne ditekemena dionsu ku nkuasa wa butumbi wa Mvidi Mukulu, muaba udiye utuleja ditunanga diende. Netupeteku dijimija dia mibi. Neatulejeku mudiye utunanga, bua tupete diambuluisha diba dionsu ditudi tudikengela.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.