Misambu 5:4 - MUKANDA WA MYIDI MUKULU

⁴ Maweja-Nangila, dinda dionsu ndi nkuela lubila. Patshiatshia ndi mfika kuudi, nshala muindile diandamuna diebe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua wewe kuena Nzambi udi usanka mu malu mabi; malu mabi kaena mamanye mua kushala nʼebe kaba kamue.

Misambu 5:4 ပူးပေါင်းရင်းမြစ်များ

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Misambu 101:7

Muntu udi udinga kena usomba mu nzubu muanyi. Muntu udi ushima kena ujalama kumpala kuanyi.

Misambu 11:5

Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

Misambu 140:13

Maweja-Nangila, ndi mumanye ne: udi ubingisha bapele, udi ulumbuluila bena dikenga.

Misambu 50:21

Wamonyi biudi muenze! Udi musue bua ngikale amu mupuwe anyi? Udi muele meji ne: ndi bu wewe anyi? Nansha kakese! Ndi ukutandisha, nkuleja mibi yebe yonsu patoke!

Misambu 63:2

Mvidi Mukulu, wewe udi Mvidi Mukulu wanyi. Udi munsamine muoyi. Ndi nkujinga. Ndi ne nyota yebe, amu bu mudi buloba bume bujinga mayi.

Misambu 88:14

Maweja-Nangila meme ndi nkubikila bua ungambuluishe, ndi nkutendelela kubangila ku dinda.

Misambu 92:15

Neukuame bimuma too ne pakulakajawu, newikale ne mayi, neushale mubishi,

Misambu 94:20

Udi mumvuangane ne bakoshi babi ba nsambu aba, badi bangata mikenji bua kukengesha bantu anyi?

Abakuke 1:13

Kadi mesu ebe adi mimpe be. Kuena mua kuanyisha bua amone malu mabi. Bantu badi bakengesha bakuabu, kuena mua kubatangila, kuyi wenza bualu. Kadi muudi umona bidi bena tshinyangu abu benza, kuyi wamba bualu, mbishi? Bantu babi aba badi babutula matunga a bantu ba nsongu badi babapita bobu. Kadi udi umona nanku, upuwa bua tshinyi?

Malaki 2:17

Nudi nutondesha Maweja-Nangila ne mayuki enu. Nudi nukonka ne: “Tudi tumutondesha munyi?” Bidi bimutonda ke miaku inudi nuamba ne: “Maweja-Nangila udi wanyisha muntu udi wenza malu mabi. Tshianana uvua mua kunyoka bantu ba mushindu ewu. Ke kabidi miaku yenu ya ne: “Mvidi Mukulu utu ukosa nsambu pa yoyi, udi penyi?”

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.

2 Petro 3:13

Kadi tuetu tudi tutekemena bidi Mvidi Mukulu mulaye: ke diulu dipiadipia ne buloba bupiabupia, muaba wasomba bantu bua kuenza amu tshidi Mvidi Mukulu musue. Ke tshitudi bindile atshi.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.