Misambu 48:11 - MUKANDA WA MYIDI MUKULU

¹¹ Miaba yonsu bantu badi bakutumbisha. Lumu luebe ndutangalake pa buloba bujima, bualu udi ulombola bantu ne buakane.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mukuna wa Siona wikale ne disanka; bana bakashi ba Bena Yuda basanke bualu bua mikenji yebe mijalame.

Misambu 48:11 ပူးပေါင်းရင်းမြစ်များ

Misambu 58:10

Nebabakose bu ntambua dishinda, kabidi nansha mutshikale mubishi nansha mosha mvunde neabatangalaje.

Misambu 97:8

Bena Siyone badi bumvua, basanka, bimenga bia mu Yuda bidi bisanka, bua meyi audi mushindike.

Musambu wa Solomo 1:5

Nsongakaji ya mu Yerushalayime, meme ndi mufiike, kadi ndi muimpe, mudi nzubu ya ntenta ya bantu badi mu tshipela, mudi bilamba bilembeleja mu nzubu wa mukalenga Shelomu.

Musambu wa Solomo 2:7

“Eyi! Nuenu nsongakaji ya mu Yerushalayime, ndi nnusengelela ne: mu dina dia ngulungu idi ne bowa, kanututshinyishi nansha! Tudi tunangangana, nutushiye nkayetu!”

Musambu wa Solomo 3:5

“Eyi! Nuenu nsongakaji ya mu Yerushalayime, ndi nnusengelela ne: mu dina dia ngulungu idi ne bowa, kanututshinyishi nansha! Tudi tunangangana, nutushiye nkayetu!”

Musambu wa Solomo 5:16

Mukana muende mmusheme, padiye untua mishiku. Mubidi wende mujima udi unkuatshisha milowu! Nsongakaji ya mu Yerushalayime, ke mudi munanga wanyi, ke mudi mulunda wanyi nanku.

Yeshaya 37:22

Teleja malu andi muandamune Senakeribe: Tshimenga tshia Siyone tshidi tshikudiwula, tshikupepeja. Tshimenga tshimpe tshia Yerushalayime, tshidi tshikuseka, tshikupa mutu.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Luke 23:28

Yezu ukudimuka, kubambilaye ne: — Nuenu bakaji ba mu Yerushalayime, kanudidi bualu buanyi to. Nudile bualu buenu, ne bua bana benu.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!

Balombodi 5:31

Maweja-Nangila, baluishi bebe bonsu, bafue muvua Sisra mushiye panu. Kadi balunda bebe bikale bu diba, patshididi dipatuka ne bukenka, ne nsese yadi yonsu! Ke muvua ditunga dianji kushala mu ditalala bidimu makumi anayi nanku.