Misambu 48:1 - MUKANDA WA MYIDI MUKULU

¹ Musambu wa mu mukanda wa misambu wa bena Kora.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa udi munene, udi muakane bua kumutumbisha bikole mu musoko wa Nzambi wetu, mu mukuna wandi wa tshijila.

Misambu 48:1 ပူးပေါင်းရင်းမြစ်များ

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

Misambu 145:3

Wewe Maweja-Nangila udi munene, ne bantu bonsu nebakutumbishe, bualu buneme buebe kabuena ndekelu.

Misambu 147:5

Maweja-Nangila wetu mmunene. Udi ne bukole buonsu, lungenyi luende kaluena kuamba.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 30:1

Musambu wa mu mukanda wa misambu ya Davide, wa kuimba dituku didibu bajidila nzubu wa Mvidi Mukulu.

Misambu 42:1

Musambu wa mu mukanda wa mulombodi wa misambu. Kasala ka mu mukanda wa misambu wa bena Kora.

Misambu 46:1

Musambu wa mu mukanda wa mulombodi wa bena misambu ne wa mu mukanda wa misambu wa bena Kora wa kuimba ne meyi matue.

Misambu 46:4

nansha mavuala akungula, asaba, adiela mulu, anyungisha mikuna.

Misambu 47:8

Bualu Mvidi Mukulu ke mukalenga udi ulombola buloba bujima. Numutumbishe numuimbile misambu mimpe.

Misambu 65:1

Musambu wa mu mukanda wa mulombodi wabena misambu. Wa mu mukanda wa misambu ya Davide.

Misambu 78:68

kadi kusungulaye tshisamba tshia Yuda, ke mukuna wa Siyone uvuaye munange.

Misambu 86:10

Bualu udi munene, udi wenza malu a dikema, udi amu wewe nkayebe, Mvidi Mukulu mulelela.

Misambu 87:1

Musambu wa mu mukanda wa misambu wa bena Kora. Maweja-Nangila udi muibake Yerushalayime, pa mikuna ya tshijila.

Misambu 87:3

Wewe tshimenga tshia Mvidi Mukulu, Mvidi Mukulu udi ukutumbisha wamba ne:

Misambu 96:4

Maweja-Nangila udi munene, bidi bimpe bamutumbishe. Bamutshine kumpala kua mvidie yonsu.

Misambu 99:9

Tumbishayi Maweja-Nangila, numukukuile pa mukuna wende wa tshijila, bualu Maweja-Nangila Mvidi Mukulu wetu, Eyowa, udi wa tshijila.

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.

Yirmeya 31:23

Maweja-Nangila wa bukole buonsu, Mvidi Mukulu wa Izrayele, udi wamba ne: Pangapingaja bantu mu ditunga diabu ne mu bimenga bia Yuda, nebambe tshiakabidi ne: “Maweja-Nangila akuele lupemba, wewe mukuna wa tshijila wa Siyone, muaba udiye usomba!”

Obadya 1:17

Nanku bantu badi bashala ne muoyi, nebasombe mu Siyone. Mukuna wanyi awu newikale tshiakabidi wa tshijila. Ndelanganyi ya Yakobe, neyipingane mu ditunga diayi, divuabu babanyenge.

Mika 4:1

Dituku nedifike, didi mukuna, muaba udibu base nzubu wa Mvidi Mukulu, upita mikuna mikuabu yonsu. Nebaushindike bikole. Bisamba bia bantu nebipuilemu bia bungi.

Zekâya 8:3

Ke pandi ngamba ne: Nempingane mu Yerushalayime. Nensombe mu Siyone tshiakabidi. Bantu nebinyike Yerushalayime ne: ‘Tshimenga tshidi tshilamata Mvidi Mukulu.’ Mukuna wanyi wa Siyone, nebawinyike ne: ‘Mukuna wa tshijila.’

Matayi 24:15

— Nenumone tshidibu binyike ne: “Tshinyangu tshipite bubi”, tshivua muambi Danyele mutele. Nebatshiteke muaba wa tshijila. (Udi ubala bualu ebu, abujingulule bimpe!)

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Didimanyisha 19:5

Diyi kufumina ku nkuasa wa butumbi, diamba ne: “Nuenu bonsu bantu ba Mvidi Mukulu, tumbishayi Mvidi Mukulu wetu, nuenu bonsu badi bamunemeka, baneme ne bashadile!”

Didimanyisha 21:2

Ke meme kumona tshimenga tshia tshijila, Yerushalayime mupiamupia, utuluka mu diulu, ufuma kudi Mvidi Mukulu. Uvua muvuale bilenga biende bia tshibilu, muindile bayende bua kubuela mu dibaka.